|
قرآنِ حکیم کے متعلق ارشادِالٰہی ہے کہ اس کے احکام ہم نے
ہی فرض کئے ہیں اور ہم نے اس میں صاف صاف آیتیں نازل کی ہیں تاکہ تم سمجھو۔
لیکن افسوس کہ ہم میں سے بہت کم لوگ اسکو سمجھ کر پڑھنے کی کوشش کرتے ہیں ۔
یہی وجہ ہے کہ ہم اپنی ذاتی زندگیوں اور اپنے ارد گرد کے ماحول میں ان گنت
مسائل سے دوچار رہتے ہیں۔ ذیل میں ایسی ہی منتخب آیات بمعہ ترجمہ پیش کی
جارہی ہیں۔ قرآن مجید قیامت تک کے انسانوں کی رہنمائی کے لیئے ہمارے پیارے
نبی ﷺ پر نازل کیا گیا، اللہ تعالی ہمیں اسے سمجھ کر پڑھنے اور اس پر عمل
کرنے کی توفیق عطا فرمائے۔ ( آمین )
(گزشتہ سے پیوستہ)
اٹھارہواں پارہ(جاری):
سورة نمبر 24> سورة النور:
١٨٨- سورة النور، آیت 1: سُورَةٌ أَنزَلْنَاهَا وَفَرَضْنَاهَا
وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ -
یہ ایک سورت ہے جسے ہم نے نازل کیا ہے اور اس کے احکام ہم نے ہی فرض کئے
ہیں اور ہم نے اس میں صاف صاف آیتیں نازل کی ہیں تاکہ تم سمجھو=
١٨٩- سورة النور، آیت 2: الزَّانِيَةُ وَالزَّانِي فَاجْلِدُوا كُلَّ
وَاحِدٍ مِّنْهُمَا مِائَةَ جَلْدَةٍ ۖ وَلَا تَأْخُذْكُم بِهِمَا رَأْفَةٌ
فِي دِينِ اللَّـهِ إِن كُنتُمْ تُؤْمِنُونَ بِاللَّـهِ وَالْيَوْمِ
الْآخِرِ ۖ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ-
زانیہ عورت اور زانی مرد، دونوں میں سے ہر ایک کو سو کوڑے مارو اور ان پر
ترس کھانے کا جذبہ اللہ کے دین کے معاملے میں تم کو دامن گیر نہ ہو اگر تم
اللہ تعالیٰ اور روز آخر پر ایمان رکھتے ہو- اور ان کو سزا دیتے وقت اہل
ایمان کا ایک گروہ موجود رہے=
١٩٠- سورة النور، آیت 3: الزَّانِي لَا يَنكِحُ إِلَّا زَانِيَةً أَوْ
مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ ۚ
وَحُرِّمَ ذَٰلِكَ عَلَى الْمُؤْمِنِينَ-
بدکار مرد تو بدکار یا مشرک عورت کے سوا نکاح نہیں کرتا اور بدکار عورت کو
بھی بدکار یا مشرک مرد کے سوا اور کوئی نکاح میں نہیں لاتا اور یہ (یعنی
بدکار عورت سے نکاح کرنا) مومنوں پر حرام ہے=
١٩١- سورة النور، آیت 4-5: وَالَّذِينَ يَرْمُونَ الْمُحْصَنَاتِ ثُمَّ
لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً
وَلَا تَقْبَلُوا لَهُمْ شَهَادَةً أَبَدًا ۚ وَأُولَـٰئِكَ هُمُ
الْفَاسِقُونَ -إِلَّا الَّذِينَ تَابُوا مِن بَعْدِ ذَٰلِكَ وَأَصْلَحُوا
فَإِنَّ اللَّـهَ غَفُورٌ رَّحِيمٌ -
اور جو لوگ پرہیزگار عورتوں کو بدکاری کا عیب لگائیں اور اس پر چار گواہ نہ
لائیں تو ان کو اسی درے مارو اور کبھی ان کی شہادت قبول نہ کرو۔ اور یہی
بدکردار ہیں= سوائے اُن لوگوں کے جو اس حرکت کے بعد تائب ہو جائیں اور
اصلاح کر لیں کہ اللہ ضرور (اُن کے حق میں) غفور و رحیم ہے=
١٩٢- سورة النور، آیت 6 تا 9: وَالَّذِينَ يَرْمُونَ أَزْوَاجَهُمْ وَلَمْ
يَكُن لَّهُمْ شُهَدَاءُ إِلَّا أَنفُسُهُمْ فَشَهَادَةُ أَحَدِهِمْ
أَرْبَعُ شَهَادَاتٍ بِاللَّـهِ ۙ إِنَّهُ لَمِنَ الصَّادِقِينَ ﴿﴾
وَالْخَامِسَةُ أَنَّ لَعْنَتَ اللَّـهِ عَلَيْهِ إِن كَانَ مِنَ
الْكَاذِبِينَ ﴿﴾ وَيَدْرَأُ عَنْهَا الْعَذَابَ أَن تَشْهَدَ أَرْبَعَ
شَهَادَاتٍ بِاللَّـهِ ۙ إِنَّهُ لَمِنَ الْكَاذِبِينَ ﴿﴾ وَالْخَامِسَةَ
أَنَّ غَضَبَ اللَّـهِ عَلَيْهَا إِن كَانَ مِنَ الصَّادِقِينَ -
اور جو لوگ اپنی بیویوں پر الزام لگائیں اور ان کے پاس خود ان کے اپنے سوا
دوسرے کوئی گواہ نہ ہوں تو اُن میں سے ایک شخص کی شہادت (یہ ہے کہ وہ) چار
مرتبہ اللہ کی قسم کھا کر گواہی دے کہ وہ (اپنے الزام میں) سچا ہے - اور
پانچویں بار کہے کہ اُس پر اللہ کی لعنت ہو، اگر وہ (اپنے الزام میں) جھوٹا
ہو - اور عورت سے سزا اس طرح ٹل سکتی ہے کہ وہ چار مرتبہ اللہ کی قسم کھا
کر شہادت دے کہ یہ شخص (اپنے الزام میں) جھوٹا ہے - اور پانچویں مرتبہ کہے
کہ اُس بندی پر اللہ کا غضب ٹوٹے، اگر وہ (اپنے الزام میں) سچا ہو =
١٩٣- سورة النور، آیت 30: قُل لِّلْمُؤْمِنِينَ يَغُضُّوا مِنْ
أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ
اللَّـهَ خَبِيرٌ بِمَا يَصْنَعُونَ -
ایمان والوں سے کہہ دو کہ وہ اپنی نگاہ نیچی رکھا کریں، اور اپنی شرم گاہوں
کو بھی محفوظ رکھیں، یہ ان کے لیے بہت پاکیزہ ہے، بے شک الله جانتا ہے جو
وہ کرتے ہیں=
١٩٤- سورة النور، آیت 31: وَقُل لِّلْمُؤْمِنَاتِ يَغْضُضْنَ مِنْ
أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ
إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ
جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ
آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ
أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ
أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ
أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ
الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ
النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ
مِن زِينَتِهِنَّ ۚ وَتُوبُوا إِلَى اللَّـهِ جَمِيعًا أَيُّهَ
الْمُؤْمِنُونَ لَعَلَّكُمْ تُفْلِحُونَ -
اور ایمان والیوں سے کہہ دو کہ اپنی نگاہ نیچی رکھیں اور اپنی عصمت کی
حفاظت کریں، اور اپنی زینت کو ظاہر نہ کریں مگر جو جگہ اس میں سے کھلی رہتی
ہے، اوراپنے دوپٹے اپنے سینوں پر ڈالے رکھیں، اوراپنی زینت ظاہر نہ کریں
مگر اپنے خاوندوں پر، یا اپنے باپ، یا خاوند کے باپ، یا اپنے بھائیوں، یا
بھتیجوں، یا بھانجوں پر، یا اپنی عورتوں پر، یا اپنے غلاموں پر، یا ان خدمت
گاروں پر ،جنہیں عورت کی حاجت نہیں، یا ان لڑکوں پر جو عورتوں کی پردہ کی
چیزوں سے واقف نہیں، اور اپنے پاؤں زمین پر زور سے نہ ماریں کہ ان کا مخفی
زیور معلوم ہوجائے، اوراے مسلمانو تم سب الله کے سامنے توبہ کرو تاکہ تم
نجات پاؤ =
١٩٥- سورة النور، آیت 32-33(جزء): وَأَنكِحُوا الْأَيَامَىٰ مِنكُمْ
وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ
يُغْنِهِمُ اللَّـهُ مِن فَضْلِهِ ۗ وَاللَّـهُ وَاسِعٌ عَلِيمٌ ﴿﴾
وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ
اللَّـهُ مِن فَضْلِهِ - - - - -
اور اپنی قوم کی بیوہ عورتوں کے نکاح کردیا کرو۔ اور اپنے غلاموں اور
لونڈیوں کے بھی جو نیک ہوں، اگر وہ مفلس ہوں گے تو الله ان کو اپنے فضل سے
خوش حال کردے گا۔ اور الله (بہت) وسعت والا اور (سب کچھ) جاننے والا ہے۔اور
جن کو بیاہ کا مقدور نہ ہو وہ پاک دامنی کو اختیار کئے رہیں، یہاں تک کہ
الله ان کو اپنے فضل سے غنی کردے - - - - -
١٩٦- سورة النور، آیت 37-38: رِجَالٌ لَّا تُلْهِيهِمْ تِجَارَةٌ وَلَا
بَيْعٌ عَن ذِكْرِ اللَّـهِ وَإِقَامِ الصَّلَاةِ وَإِيتَاءِ الزَّكَاةِ ۙ
يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ ﴿﴾
لِيَجْزِيَهُمُ اللَّـهُ أَحْسَنَ مَا عَمِلُوا وَيَزِيدَهُم مِّن فَضْلِهِ
ۗ وَاللَّـهُ يَرْزُقُ مَن يَشَاءُ بِغَيْرِ حِسَابٍ -
ایسے لوگ جن کو الله کے ذکر اور نماز پڑھنے اور زکوٰة دینے سے نہ سوداگری
غافل کرتی ہے نہ خرید وفروخت۔ وہ اس دن سے جب دل (خوف اور گھبراہٹ کے سبب)
الٹ جائیں گے اور آنکھیں (اوپر کو چڑھ جائیں گی) ڈرتے ہیں - تاکہ الله ان
کو ان کے عملوں کا بہت اچھا بدلہ دے اور اپنے فضل سے زیادہ بھی عطا کرے۔
اور جس کو چاہتا ہے الله بےشمار رزق دیتا ہے =
١٩٧- سورة النور، آیت 51-52: إِنَّمَا كَانَ قَوْلَ الْمُؤْمِنِينَ إِذَا
دُعُوا إِلَى اللَّـهِ وَرَسُولِهِ لِيَحْكُمَ بَيْنَهُمْ أَن يَقُولُوا
سَمِعْنَا وَأَطَعْنَا ۚ وَأُولَـٰئِكَ هُمُ الْمُفْلِحُونَ ﴿﴾ وَمَن
يُطِعِ اللَّـهَ وَرَسُولَهُ وَيَخْشَ اللَّـهَ وَيَتَّقْهِ فَأُولَـٰئِكَ
هُمُ الْفَائِزُونَ -
ایمان والوں کی بات تو یہی ہوتی ہے جب انہیں الله اور اس کے رسول کی طرف
بلایا جاتا ہے تاکہ وہ ان کے درمیان(اختلافات کا) فیصلہ کرے وہ کہتے ہیں کہ
ہم نے سنا اور مان لیا اور وہی لوگ نجات پانے والے ہیں - اور کامیاب وہی
ہیں جو اللہ اور رسول کی فرماں برداری کریں اور اللہ سے ڈریں اور اس کی
نافرمانی سے بچیں =
١٩٨- سورة النور، آیت 56: وَأَقِيمُوا الصَّلَاةَ وَآتُوا الزَّكَاةَ
وَأَطِيعُوا الرَّسُولَ لَعَلَّكُمْ تُرْحَمُونَ -
اور نماز پڑھا کرو اور زکوٰة دیا کرو اور رسول کی فرمانبرداری کرو تاکہ تم
پر رحم کیا جائے =
١٩٩- سورة النور، آیت 60: وَالْقَوَاعِدُ مِنَ النِّسَاءِ اللَّاتِي لَا
يَرْجُونَ نِكَاحًا فَلَيْسَ عَلَيْهِنَّ جُنَاحٌ أَن يَضَعْنَ
ثِيَابَهُنَّ غَيْرَ مُتَبَرِّجَاتٍ بِزِينَةٍ ۖ وَأَن يَسْتَعْفِفْنَ
خَيْرٌ لَّهُنَّ ۗ وَاللَّـهُ سَمِيعٌ عَلِيمٌ -
اور جو عورتیں جوانی سے گزری بیٹھی ہوں، نکاح کی امیدوار نہ ہوں، وہ اگر
اپنی چادریں اتار کر رکھ دیں تو اُن پر کوئی گناہ نہیں، بشرطیکہ زینت کی
نمائش کرنے والی نہ ہوں، تاہم وہ بھی حیاداری ہی برتیں تو اُن کے حق میں
اچھا ہے، اور اللہ سب کچھ سنتا اور جانتا ہے =
٢٠٠- سورة النور، آیت 61: لَّيْسَ عَلَى الْأَعْمَىٰ حَرَجٌ وَلَا عَلَى
الْأَعْرَجِ حَرَجٌ وَلَا عَلَى الْمَرِيضِ حَرَجٌ وَلَا عَلَىٰ
أَنفُسِكُمْ أَن تَأْكُلُوا مِن بُيُوتِكُمْ أَوْ بُيُوتِ آبَائِكُمْ أَوْ
بُيُوتِ أُمَّهَاتِكُمْ أَوْ بُيُوتِ إِخْوَانِكُمْ أَوْ بُيُوتِ
أَخَوَاتِكُمْ أَوْ بُيُوتِ أَعْمَامِكُمْ أَوْ بُيُوتِ عَمَّاتِكُمْ أَوْ
بُيُوتِ أَخْوَالِكُمْ أَوْ بُيُوتِ خَالَاتِكُمْ أَوْ مَا مَلَكْتُم
مَّفَاتِحَهُ أَوْ صَدِيقِكُمْ ۚ لَيْسَ عَلَيْكُمْ جُنَاحٌ أَن تَأْكُلُوا
جَمِيعًا أَوْ أَشْتَاتًا ۚ فَإِذَا دَخَلْتُم بُيُوتًا فَسَلِّمُوا عَلَىٰ
أَنفُسِكُمْ تَحِيَّةً مِّنْ عِندِ اللَّـهِ مُبَارَكَةً طَيِّبَةً ۚ
كَذَٰلِكَ يُبَيِّنُ اللَّـهُ لَكُمُ الْآيَاتِ لَعَلَّكُمْ تَعْقِلُونَ -
اندھے پر، اور لنگڑ ے پر، اور بیمار پر، اور خود تم پر، اس بات میں کوئی
گناہ نہیں کہ تم اپنے گھروں سے کھانا کھاؤ، یا اپنے باپ کے گھروں سے، یا
اپنی ماؤں کے گھروں سے، یا اپنے بھائیوں کے گھروں سے، یا اپنی بہنوں کے
گھروں سے، یا اپنے چچاؤں کے گھروں سے، یا اپنی پھوپھیوں کے گھروں سے، یا
اپنے ماموؤں کے گھروں سے، یا اپنی خالاؤں کےگھروں سے، یا ان گھروں سے جنکی
کنجیاں تمہارے اختیار میں ہیں، یا اپنے دوستوں کے گھروں سے - تم پر کوئی
گناہ نہیں کہ مل کر کھاؤ یا الگ الگ کھاؤ، پھر جب گھروں میں داخل ہونا چاہو
تو اپنے لوگوں سے سلام کیا کرو، جو الله کی طرف سے مبارک اور عمدہ دعا ہے،
اسی طرح الله تمہارے لیے احکام بیان فرماتا ہے، تاکہ تم سمجھو =
(جاری ہے) |