عیدالفطریا عیدم حکوماں ہجوم مومنین!

(Mir Afsar Aman, Karachi)

اس سال مسلمان عید الفطر پر امن طریقے سے کیسے منائیں جبکہ ان پر ظلم کے پہاڑ توڑ دیئے گئے ہیں۔ ہمارے ملک میں حکمرانوں کے غلط اقدام کی وجہ سے فوجی آپریشن جاری ہے۔ اپنے ہی لوگوں سے فوج کو الجھا دیا گیا ہے اپنے ہی ملک کے اندر دس لاکھ سے زائد مسلمان مہاجر بنا دیئے گئے ہیں وہ اچانک آپریشن کی وجہ سے اپنے ضروری سامان بھی ساتھ نہ لا سکے ان کے بچے، بوڑھے اور عورتیں بے یار و مدد گار کیمپوں میں یا اپنے رشتہ داروں کے گھروں میں پڑے ہیں بنوں شہر کی جتنی آبادی ہے اس سے دو گناہ مہاجر اس میں رہایش پذیر ہو گئے ہیں ضروریات زندگی ملنا مشل ہو گئیں ہیں۔ مکانوں کے کرایے آسمان سے باتیں کرنے لگے ہیں۔ حکومت کی طرف سے امداد لینے والوں کی قطاریں دیکھ کر دل آنسو بہا رہا ہے۔ ان کارمضان کا مہینہ کیسے گزرا ہے یہ اﷲ ہی جانتا ہے۔ اب حکومت کے مطابق ۸۰ فی صد علاقہ دہشت گردوں سے پاک کر لیا گیا اس لیے حکومت کو چاہیے کہ لوگوں کو واپس اپنے گھروں میں جانے دے تاکہ وہ عید الفطر اپنے گھروں میں منا سکیں۔ فلسطین کے اندر ۱۰۰۰ سے زائد بے گناہ فلسطینی مسلمانوں کو یہودیوں نے بے دردی سے شہید کر دیا ہے ان کے گھروں کو بمباری سے زمین بوس کر دیا گیا ہے۔ ہسپتالوں تک کو بھی یہودیوں نے نہیں بخشا۔ عراق کے اندر امریکا کے پھیلائے ہوئے جال کے تحت مسلمان مسلمان سے اپنے حقوق کے نام پر لڑ رہے ہیں المالکی شعیہ حکومت امریکااور ایران کی حمایت سے قائم ہوئی تھی جس نے سنیوں کو بے گناہ قتل کیا اب سنی اپنے حقوق کے لیے وہاں لڑ رہے ہیں۔ شام میں بشار کی شعیہ اقلیتی حکومت کے خلاف ایک عرصہ سے جنگ ہو رہی ہے۔ کشمیر میں ظلم کی انتہا کر دی گئی۔ برما میں مسلمانوں کے خون سے ہولی کھیلی جا رہی ہے۔ہندوستان میں مسلمانوں سے زبردستی روزے تڑوائے گئے۔ یہی حال چین کا ہے غرض دنیا کے کونے کونے میں مسلمانوں کو مولی گاجر کی طرح کاٹا جا رہا ہے عوام تو اس کے خلاف احتجاج کر رہے ہیں مگر امریکی پٹھو مسلم حکمران اس سلسلے میں کچھ بھی نہیں کر رہے۔دنیا میں یہودی کنٹرولڈ میڈیا نے الٹا مسلمانوں کو دہشت گرد مشہور کر دیا ہے اِن حالات میں اس سال عید الفطر آئی ہے۔ مسلمان عیدالفطر رمضان کے روزوں کے بعد شکرانے کے طور پر مناتے ہیں۔ اس موقعے پر عید گاہوں اور شہر کی بڑی بڑی مساجد میں مسلمان۲ رکعت نماز ادا کرتے ہیں ۔اپنے غریب مسلمان بھائیوں میں فطرانے کے پیسے تقسیم کرتے ہیں تاکہ وہ اور ان کے بچے بھی عید کی خوشیوں میں شریک ہو سکیں۔رمضان میں مسلمان اﷲ کے سامنے سجدہ ریز ہوتے ہیں اپنے گناہوں کو معاف کرانے کے لیے اﷲ تعالیٰ سے دعائیں کرتے ہیں طاق راتوں میں لیلۃ القدر کی تلاش میں مصروف رہتے ہیں اﷲ نے مسلمانوں سے وعدہ کیا ہوا ہے کہ روزوں کا ثواب میں خود دوں گا باقی نیکیوں کے لیے اجر تو ۷۰ گنا تک کہا گیا ہے مگر رمضان میں اﷲ نے اَجر خود دینے کا وعدہ کیا ہے اور اﷲ تو بے حساب دیتا ہے پھر بھی اس کے خزانے میں کمی نہیں ہوتی اِس لیے مسلمان رمضان میں خوب دل لگا کر عبادت کرتے ہیں۔ قرآن شریف کی تلاوت کرتے ہیں زیادہ سے زیاد ہ نوافل ادا کرتے ہیں راتوں کو جاگ کر تہجد پڑھتے ہیں نفلی عبادت تراویح کے لیے مساجد ماشاء اﷲ بھر جاتی ہیں جس میں قرآن کے حافظ صاحبان قرآن شریف سناتے ہیں انفرادی طور پر ہر مسلمان قرآن شریف کی تلاوت کرتاہے مساجد میں قرآن کی تلاوت کی آواز سن کر بے ساختہ دل اﷲ کی طرف راغب ہو جاتے ہیں۔ بچے،جوان،بوڑھے عورتیں قرآن شریف کی تلاوت کرتے ہیں ہر طرف نیکیوں کی ایک بہار ہوتی ہے ہر سال یہ ایک قسم کا تربیتی کورس جو ہر رمضان کے مہینے میں ہوتا ہے پوری دنیا میں مسلمانوں کی بستیوں میں نیکیوں کی بہار کا موسم ہوتا ہے شیاطین کو باندھ دیا جاتا ہے رمضان کا پہلا عشرہ رحمت کا ہے دوسرا عشرہ مغفرت کا اور تیسرا عشرہ عذا ب ِجہنم سے نجات کا ہے۔اسلام کے جتنے بھی خوشی کے تہوار ہوتے ہیں وہ ایک پُرقار سنجیدہ اُمتِ مسلمہ کے شا یان شان ہیں مسلمان اُس روز عید گاہوں اور شہر کی بڑی بڑی مساجد میں اکھٹے ہوتے ہیں دو رکعت نماز عیدالفطر ادا کرتے ہیں اﷲ کے سامنے عاجزی سے گڑ گڑا کے دعائیں مانگتے ہیں کہ اے اﷲ رمضان کے مقدس مہینے میں اگر عبادت میں کچھ کمی رہ گئی ہے تو معاف کر دی جائے اے اﷲ تو بڑا معاف کرنے والا ہے ایک دوسرے کوعیدالفطر کی مبارک باد دیتے ہیں روزوں کی مقبولیت کے لیے ایک دوسرے کو دعائیں دیتے ہیں نماز کے بعد ایک دوسرے سے گلے مل کر معاف کرنے کی درخواست کرتے ہیں ایک دوسرے کے گھروں میں جاتے ہیں اپنے اور رشتہ داروں کے بچوں میں عیدی تقسیم کرتے ہیں لذیذ قسم کی سویاں اور دل پسند کھانے کھاتے ہیں محبت،اخوت اور الفت کا موسم ہوتا ہے بچے، نوجوان،بوڑھے نئے کپڑے پہنتے ہیں ایک دوسرے میں تحائف کا تبادلہ ہوتا ہے پوری اسلامی دنیا کے ملکوں میں امت ِمسلمہ کے ڈیڑھ ارب سے زائد مسلمان ایک جیسا پُر وقار سنجیدہ عیدالفطر کا دن مناتے ہیں یہ سارے کام اگر کسی نے کر لیے ہیں تو وہ خوش قسمت ہے ورنہ جیسے اوپر ذکر کیا گیا ہے دنیا میں ہر جگہ مسلمان مشکل میں مبتلا ہیں۔

قارئین !وہ امتِ مسلمہ جسے اﷲ نے خیر امت بنایا ہے جو درمیانے راستے پر چلنے والی ہے۔ اس امت کو فریضہ شہادتِ حق کے لیے اُٹھایا گیا ہے۔ یہ دنیا کی دوسری قوموں پر شہادت کا فریضہ ادا کرے گی۔ یہ امت امر با المعروف و نہی المنکر پر عمل کرے گی۔ نیکی کے کاموں میں تعاون اور بُرائی کے کاموں سے منع کرے گی۔ مگراسلام پر عمل نہ کرے کی وجہ سے امت خود پریشانیوں میں غرق ہے۔جب تک۵۷ سے زائد اسلامی ملک اپنی’’مسلم اقوام متحدہ‘‘نہیں بناتے اُس وقت تک اس امت کے مسائل حل نہیں ہو سکتے۔ دنیا کی ایک تہائی آبادی،زرخیز علاقے،معدنیات سے ملا مال،تیل کے وافر زخائر،ایک اﷲ اور ایک رسولؐ کو ماننے والی امتِ مسلمہ کو اپنے اتحاد کے لیے عملی اقدام اُٹھانا چاہیے۔ پھر صحیح عید الفطرہو گی ورنہ عید محکوماں ہجوم مومنین ہے۔اﷲ سے دعاہے کہ وہ اس مشکل کو آسان کر دے اور مسلمان اپنے مقام پر فائز ہو جائیں آمین۔

< PREVIOUS مٹی کا مٹی پر وزن NEXT > گجرات میں معصوم بچے کے ساتھ ظلم کی انتہا