Dehsat Gardi

Dehshat Gardi, Intihapasandi, Damaky, Targetkilling, Qatal O Gharat Ki Khabray Har Roz Akhbarat Aur News Chanel Ki Zenat Bani Hoti Hein. Hafty Ka Koi Be Din Aisa Nahi Guzarta Jis Mey Hamry Mulk Mey Bomb Damaka, Target Killing ,Daketi Ya Qatal O Gharat Ka Koi Waqia Na Howa Ho. Har Roz Darjano Beguanah Log In Waqiayat Ki Nazar Hojaty Hein. Aur Pochny Wala Koi Nahe. Mey Is Time Be Aik Newspaper Ka Mutalia Kar Raha Hon Aur Parh Ky Dukh Horaha Hy Quenky Is Mey Koi Be Aisi Be Koi Khabar Nahe Jis Say Dil Ko Taskeen Mill Jaiy. Bas Kahe Damaka Howa Hy, Kahe Daketi Ke Hoi, Kahe Karachi Or Quetta Mey Target Killing Ki Khbray, Kahi Police Van Ya Choke Par Namalum Dehshat Gardo Ki Firing Ki Khbry Nazar Arahi Hy.

Mey Sochta Hon Akhir In Chand Salo Mey Is Mulk Ko Kya Hogaya Hay, Kis Ki Nazar Lag Gayi Is Sohni Dharti Ko. Aaj Say 8,10 Saal Pehly To Halat Is Qadar Nazak Or Sangeen Nahe Tay Kay Logo Ka Apny Garo Or Mazhabe Maqamat Jana Be Mushkil Hojata. Koi Be Shahks Chahy Wo Aik Docter Ho, Enginier Ho,Professor Ho,Sarkari Mulazim Ho,Police Officer Ho,Teacher Ho Ya Aik Aik Ghareb Rakshay Wala Aim Aam Admi Aaj Is Mulk Mey Safe Nahi. Aisa Que Horaha Hay Is Ki Kya Wajuhat Hain. Hukumat Nay To Isy Dehshat Gardi Or Intihapasandi Ka Nam Dykar Logo Ko Khamush Kar Diya Hay. Laken Kya Ajj Tak Kisi Ny Ye Jan Ny Ki Koshish Ki Hy Ky Ye Intehapasand Kon Hy Or Que Zulm Or Barbariyat Ka Bazar Garam Kiay Howy Hy.Jab Be Asa Koi Waqia Ronuma Hojata Hy To Hukumat Isy Dehshat Gardo Ky Khaty Mey Daal Dety Hy,Ya Koi Koi Tanzeem Khud Is Ki Zimadari Apny Nam Le Lyta Hy.

Mey Shehri Ki Hesayat Sy Hukumat Say Ye Pochna Chahata Hon Ky Ye Dehshat Gardi Kya Hay,Is Ky Pechy Kya Muharikat Hy. Aj Puri Dunya Mey Musalmanu Ko Dehshat Gard Teharaya Gaya Hy. Dunya Ky Kisi Kony Mey Asa Koi Waqia Pesh Ata Hy To Isy Muslmano Khas Kar Pakistaniuo Ky Khaty Mey Daal Diya Jata Hy. Jis Ki Tayed Bad Mey Hamary Hukumran Be Karlety Hy. Kya Kisi Ny Ajj Tak Ye Pata Lagany Ki Koshesh Ki Hy Ky Dehshat Ki Fiza Banany Waly Bait Ullah Mehsood, Hakeem Ullah Mehsood, Molve Fazlulah Kon Hy Or Kis Ki Ema Par Tehrebe Karwaian Kar Rahy Hy.

Nahe Hamy To Bas Itna Pata Hy Ky Ye Log Tehrik Taliban Pakistan K Sarbarah Hy.Kya Kisi Ney Socha Hy Ky Pakistan Mey Sargarm Tehrik Taliban Kon Chala Raha Hy Or Is Ky Maqasad Kya Hy.Is Ko Funding Kaha Say Mill Rahe Hy.Mery Elam Ky Mutabiq Agar Aik Mohally Ya Ailaqay Ki Satah Par Koi Falahi Tanzeem Be Chalani Ho To Us Ky Liay Kitny Wasail Ki Zarurat Hy.Laken Aaj Pory Pakistan Ko Apni Dehshat Ki Lapet Mey Liay Howy Tehrik Taliban Kasy By Yaro Madadgar Chal Sakti Hy.Laken Aj Tak Kisi Ny Iska Ka Suragh Lagana Lazme Na Samja Ho.Alqaida Jisy Pori Dunya Mey Intiha Pasandi Ki Aik Mazboot Or Powerful Tanzem Samji Or Mani Jati Hy.Is Ky Sarbarah Usama Bin Ladon Jisy Amerca Apna Sab Sy Bara Dushman Samjta Hy Kya Is Tanzeem K Bary Mey Kisi Ny Socha Hy Ky Ye Kon Is Ko Chala Raha Hy.9,11 Ky Bad America Ny Aik Usama Ko Muhra Bana Kar Afghanistan Ko Nest O Nabood Kardiya Laken Ajj Tak Na Usama Ka Pata Chala Na Usky Kisi Ghar K Fard Ko Koi Nuqsan Utana Para.India Ky Taj Mahal Hotel Par Hamly Ky Bad Indian Isrial Or Amerca Nay Kitna Dabao Dala Pakistan Par.Kay Kashmir Or Palesten Mey Begunah Logo K Khun Bahany Par Kisi Nay Awaz Otaye Hy.Jumatud Dawa K Asasy Munjamid Karny Par Kitne Zor Lagaye Gaye Laken Kya Ajj Tak Kisi Ny Bal Takry Ki Shiv Cena Par Koi Pabandi Lagayi Hy.Kya Usama Ky Nam Par Afghanistan Par Hamla Karny Waly America Ny Bin Ladon Company Par Pabandi Lagayi.

Kehny Ka Maqsad Sirf Itna Hy Ky Inteha Pasandi Ki Ye Tanzemi Ajj Itni Mazboot Hogayi Hy Ky Aik Atomi Mulk Ki Hukumat Inky Samny Bybs Nazar Arahi Hy.

Hamari Hukumat Ko To Jaha Dehshat Gardo Ki Khabar Milti Hy Operation Shuro Karday Ti Hy.Jis Mey Inteha Pasando Ky Sath Sab Sy Ziada Nuqsan Aam Logo Ko Hota Hy Jis Ki Misaly Swat,Wazirstan,Bajur Ki IDPZ Hy. Jinka Sab Kuch In Operation Ny Taba Kardiya.In Ky Saro Sy Chat,Badan Sy Karpr Hata Ky Mu Sy Niwala Be Chen Liya Gaya.Or Dehshat Gard Hy Ky Apni Karwayia Jari Raky Howy Hy. Hamari Hukumat Dehshat Gardi Ko Khatam Karny Ky Liay Kosha Hy .Kya Kisi Ny Socha Hy Ky Ye Log Jo Dehshat Kihlaty Hy Kon Hy ,Kaha Ky Hy,Kasy Aik Masum Insan Sy Dehshat Gard Bany Or Kon Hy Wo Anasar Jis Ny In Masum Logo Ko Darinda Sifat Insan Bana Diya.

Hukumat Ko Chahiay K In Muharikat Ka Pata Lagany Ki Koshish Kry K Mulk Mey Dehshat Gard Tanzimo Mey Kami Hony Ky Badly Azafa Q Horaha Hy.

Kon Hy Wo Log Jo In Logo Ki Madad Or Support Karahy Hy.Yaqenan RA,Musad Or CIA Ka Nam Sab Ki Zubano Par Ata Hy.Mey Is Bat Sy Mutafiq Ho Ky Ye Teno Agenciya Pakistan Ky Inteha Pasando Ki Madad Karrahy Hy.Laken Ghar Ka Koi Fard Sath Na Ho To Andar Ki Bat Bahar Walo Ko Kasy Malum Hosakati Hy.Hamy Inhe Apno Ko Talash Karna Hoga Jo Kisi Lalach Mein Akar In Ky Sathi Ban Gaiy Hy.Ya Batak Kar In Ky Sath Shamil Hogay Hy.

Dehshat Ko Mar Kar Dehshat Gardi Khatam Nahe Hosakti.Agar Hamy Intehapasandi Sy Chutkara Hasil Karna Hoga To Hamy Un Awamil Ko Khatm Karna Hoga Jis Ki Badulat Aik Aam Admi Bagi Hokar Dehshat Gard Ban Jata Hy.

Meri Apni Rehnumao Say Darhwast Hy Ky Khuda Ky Liay In Siyasi Nafa O Nuqsan Sy Nikal Kar Mulk Ki Halat Par Mil Beth Kar Sanjedge Sy Ghor Kary.Or Asy Policiya Banay Ly Jis Mey Koi Be Shahks Gurbat Ki Had Sya Nechy Zindage Na Guzary.Quenky Gurbat Or Byrozgari He Asi Balaiy Hy Ky Ye Sharif, Masoom Or Mukhlis Logo Ko Ka Jati Hy.

Agar Hamary Logo Ky Pas Khany Ky Liay Roti, Pehany Ky Liay Kapra Or Rehny Ky Liay Chat Hoga To Kafi Had Tak Intehapasandi Ko Khatam Kiya Jaskta Hy. Hamara Mulk Us Waqt Tak Aman Ka Gehwara Nahe Ban Sakta Jab Tak Un Awamil Ka Khatma Na Kiya Jaiy Jin Sy Inthapasnadi Ko Hwa Milti Ho.Jab Ye Awamil Khatam Hojaiy To Pir Koi Be Mulk Ya Agenci Apny Mazmoom Aqayid Mey Kamyab Nahi Hosakti. Khuda Pakistan Ko Hamesha Apni Hifzoamaan Mey Raky.