اردو اور ہم
(farah ejaz, dearborn, mi USA)
جی ہاں اردو کی ٹانگیں توڑنے اور
الفاظ کی ہیرا پھیری میں ہم پی ایچ ڈی کر چکے ہیں ۔۔۔۔۔۔ بعض دفعہ ہمارے
میاں جی بھی فرمانے لگتے ہیں ۔۔۔۔۔۔۔۔۔ فرح بی بی بس کرو اور اس زبان بے
چاری پر رحم کرو ۔۔۔۔۔۔۔۔۔ اور ہم کہتے ہیں ۔۔۔۔۔۔۔ نہیں کرسکتے بھولے میاں
۔۔۔۔ ۔۔۔ یہ تو ہمارے قومی فریضے میں شامل ہے ۔۔۔۔انگریزی اسٹائل میں منہ
ٹیڑھا تو نہیں کرتے نا ۔۔جہاں جاتے ہیں اپنی زبان کو جلا ہی بخشنے کی کوشش
کرتے ہیں ۔۔۔۔۔۔۔۔ چاہے لوگ ہپ ہوں یا اپنی قومی زبان سے نالاں ۔۔۔۔۔۔۔۔۔۔
ہم شروع ہوجاتے ہیں ۔۔۔۔۔ بات انگریزی میں ہو رہی ہو ہم ڈسکشن اردو میں لے
آتے ہیں ۔۔۔۔۔۔۔۔۔۔۔ چاہے املا کی غلطیوں سے ہی بھرپور کیوں نا ہو لیکن بات
اردو میں کرنے کی کوشش کرتے ہیں ۔۔۔۔۔۔۔۔۔ اب امی سے لغط بھی منگوانے کی
کوشش کر رہے ہیں ۔۔۔۔۔۔۔۔ دیکھیں امی کیا جواب دیتی ہیں ۔۔۔۔۔۔۔۔ اردو
ناولز پڑھتے ہیں پہلا صفحہ اور آخیر کا صفحہ اور پوری کہانی سمجھ آجاتی ہے
۔۔۔۔۔۔ محنت کون کرے پورا ناول پڑھنے میں ۔۔۔۔۔۔۔ناول سے یاد آیا کچھ لکھنے
کی جسارت کرتے رہتے ہیں ۔۔۔۔۔۔ پر اتنے کامیاب نہیں ہوئے ۔۔۔۔۔۔ اور پھر
جناب سوچ بھی ذرا ٹیڑھی ہے ۔۔۔۔اس لئے شائد تنقید کے بھی قابل آج تک اردو
ادب میں سمجھے نہیں جاتے ۔۔۔۔۔۔۔۔۔ لیکن ہم بھی ڈھیٹوں کی برادری سے تعلق
رکھتے ہیں اس کا پیچھا چھوڑنے کو تیار نہیں ۔۔۔۔
اردو وہ واحد زبان ہے جو ہمیں بہت پیاری ہے ۔۔۔۔۔۔ لیکن جناب اب کیا کیجئے
جب اماں یعنی امی کا تعلق حیدر آباد دکن سے ہو تو ظاہر ہے لہجے میں کھٹائی
بھی شامل ہو کر الفاظ کھٹی دال اور کڑھائی چکن کا مکسچر تو بن جائینگے نا
۔۔۔۔۔ لیکن قصور کس کا ہے جناب خیر ہمارا تو نہیں ۔۔۔۔۔ بہرحال ہم تو صرف
ٹانگ توڑتے ہیں ۔۔۔۔ لوگوں نے تو اردو بیچاری کا جو حال کیا ہے وہ دیکھنے
سے نہیں محسوس کر کے ماتم کی انتہا پر پہنچا دیتا ہے ۔۔۔۔۔۔۔۔۔۔ ہماری ایک
کزن ہیں ۔۔۔الله بھلا کرے انکا ۔۔۔۔۔ موصوفہ ایک سال چند مہینے امریکہ رہ
کر واپس لوٹیں تھیں ۔۔۔۔ لیکن لہجہ اور چال دونوں ہی بدل گئے تھے ۔۔۔۔۔۔۔۔۔
منہ ٹیڑھا کر کے جب انگریزی لہجے میں اردو بولتیں تھیں تو ایسا لگتا تھا
جیسے لقوہ ہو گیا ہے محترمہ کو ۔۔۔۔۔۔۔۔۔۔۔ پھر ہم سب پاکستانی انہیں کیڑے
مکوڑے محسوس ہونے لگے۔۔۔۔۔ اور وہ خود کو امریکہ بہادر کا جاہ نشین سمجھنے
لگیں ۔۔۔۔۔۔۔۔۔۔۔۔۔۔ ویسے ایک بات آج تک ہمارے ننھے ذہن میں سماں نہیں سکی
کہ آخر ولایت خواص طور پر امریکہ اور لندن کا پھیرا لگانے سے کوئی اتنا
معتبر کیسے ہو جاتا ہے ۔۔۔۔
اگر آپ کی سمجھ میں یہ بات آتی ہے تو برائے مہربانی ہمیں بھی سمجھا دیجئے
تاکہ ہمارا بھی فا ئدہ ہوجائے ۔۔۔۔۔۔۔۔۔۔۔۔ خیر چھوڑئے بات ہورہی تھی اردو
کی اور ہماری ۔۔۔۔۔۔۔ ہاں تو جناب ہم تو کوشش کر رہے ہیں اردو کو مزید
سیکھنے کی ۔۔۔۔۔۔۔۔۔ لیکن لگتا ہے یہ کام اتنا آسان نہیں ۔۔۔۔۔۔۔۔ پھر بھی
جہد مسلسل کامیابی کی نشانی ہوتی ہے ۔۔۔ آج نہیں تو کل ہم بھی سرخرو ہو ہی
جائینگے ۔۔۔۔۔۔ اگر اچھی مصنفہ نہیں تو اچھے اردو داں ہی سہی ۔۔۔۔۔۔۔۔۔ اور
اگر کچھ بن نہ پائے تو تخیل کی وادی میں گھوڑے دوڑا کر ہی خوش ہو جایا
کرینگے ۔۔۔۔۔۔۔۔۔۔۔۔۔۔ بات یہیں پر ختم کرتے ہیں رومن اردو سے اردو کا سفر
شروع تو کر دیا ہے اب دیکھیں ہمارا یہ اونٹ کس کروٹ بیٹھتا ہے ہو
۔۔۔۔۔۔۔۔۔۔ ایسا نہ ہو کہ ہماری ناتواں ذات اس کے نیچے آجائے اور تخیل
پروازی سے بھی بھی جائیں ۔۔۔۔۔۔۔۔۔۔۔۔۔۔ خیر اب نیند بھی زوروں کی آرہی ہے
۔۔۔اس لئے فی امان الله ۔۔۔۔۔۔۔۔۔۔۔۔۔۔۔۔۔۔۔ |
|