تسنیم کوثر
میرے لئے سود چکانا ناممکن ہوتا جا رہا ہے۔ اگلے چھ ماہ میں مجھ پر 800
،70کا قرض چڑھ چکا ہوگا۔ مجھے سمجھ نہیں آ رہا میں اسے چکا وں گا کس طرح؟
پہلے میں نے سوچا تھا کہ فصل سے ملنے والی رقم سے سود چکا دوں گا لیکن اس
بیموسم برسات نے میری ایک ایکڑ کی فصل برباد کر دی ہے۔ مجھے بے حد گھٹن ہو
رہی ہے( ویرپال ) ۔
جے جوان، جے کسان ... یہ نعرہ ہندوستان کے سابق وزیر اعظم لال بہادر شاستری
نے دیا تھا۔ اس نعرے کے ذریعے معاشرے میں وہ ایک پیغام پہنچانا چاہتے تھے
کہ کسان اور جوان ملک کی سمت اور حالت طے کرتے ہیں، جہاں جوان ملک کی حفاظت
کرتا ہے، وہیں کسان کھیتی کے ذریعے ملک کو دانا دیتا ہے۔ اگر کسان نہیں
ہوگا، تو ہم سب اپنے آپ کو ایک ایسی حالت میں پائیں گے جہاں ہاتھ میں پیسہ
ہو گا، لیکن دانا نہیں ...
آج ہم جب "جے کسان" کا نعرہ سنتے ہیں تو کچھ عجیب سا لگتا ہے۔ آج کسان کی
جے نہیں بلکہ ہار ہو رہی ہے۔ کسان بھوکا اور مایوس ہے۔ فصل برباد ہونے کی
وجہ سے کسان خودکشی کر رہے ہیں۔ صرف اتر پردیش میں گزشتہ چند ماہ میں 100
سے بھی زیادہ کسان خودکشی کر چکے ہیں۔ مہاراشٹر، پنجاب، آندھرا پردیش اور
ملک کے دوسرے حصوں سے بھی کسانوں کی خود کشی کی خبریں مسلسل مل رہی
ہیں۔ویسے تو میڈیا میں کسانوں کی خود کشی کی باتیں آتی رہتی ہیں، لیکن
میڈیا کو اس مسئلے کو لے کر جتنا سنگین ہونا چاہئے، وہ شاید نہیں
ہے۔سیاستدانوں کی لڑائی میں کسان کا جو اصلی مسئلہ ہے، وہ چھپ جاتا ہے۔ ٹی
وی پر کسانوں کی بائٹ کم اور سیاستدانوں کی زیادہ دکھائی جاتی ہے۔ٹی وی
چینلز پر کسانوں کے مسئلہ پر جب بحث ہوتی ہے تو کھڑکی میں کسان نہیں،
سیاستدان نظر آتے ہیں۔
کوئی ریلی کے ذریعے کسانوں کا مسئلہ اٹھانے کی کوشش کر رہا ہے، تو کوئی
معاوضہ کی بات کر رہا ہے. وزیر اعظم جی خود بھی۔ 'دل کی بات' سے لے کر
سیاست کے فورم تک کسان کی بات کر رہے ہیں. وزیر اعظم نے کسانوں کے لئے
معاوضہ بھی بڑھا دیا ہے، جو اچھی بات ہے۔ لیکن سوال یہ اٹھتا ہے کہ کیا یہ
معاوضہ کسانوں تک پہنچ پاتا ہے۔ اگر پہنچتا ہے، تو کتنا پہنچتا ہے۔ گزشتہ
دنوں ایسی خبریں آئیں کہ اتر پردیش کے کچھ علاقوں میں کسانوں کو معاوضے کے
طور پر 50 سے لے کر 200 روپے تک کے چیک دیے جا رہے ہیں۔ ذرا سوچیں یہ
معاوضہ ہے یا کسانوں کے ساتھ مذاق۔ اگر ایسا ہی حال رہا تو چاہے کتنا بھی
معاوضہ بڑھا دیا جائے، کسانوں کا حال کبھی سدھرنے والا نہیں ہے۔
میں بھی گاؤں سے ہوں۔ جانتی ہوں کہ کسان اپنی کھیتی سے کتنا پیار کرتا ہے۔
صبح سے لے کر شام تک کھیتی میں لگا رہتا ہے۔ جب بھی قدرتی آفت آتی ہے، کسان
خوفزدہ ہو جاتا ہے۔ رات بھر انہیں پریشان ہوتے ہوئے دیکھا ہے۔ اگر سیلاب
آنے والا ہے تو پانی کو کھیتوں تک پہنچنے سے کیسے روکا جائے، اس کو لے کر
کسان مشقت کرتا رہتا ہے۔ اگر آندھی کا اندیشہ ہو تو وہ رات بھر ریڈیو سنتے
ہیں کہ آندھی کہاں تک پہنچی، کتنا نقصان کرے گی۔ ذرا سوچیں جب کسانوں کی
فصلیں برباد ہوتی ہوں گی، تو ان پر کیا گزرتی ہوگی۔
کسانوں کی خود کشی کوئی نئی بات نہیں ہے۔ ہندوستان میں جتنی بھی خودکشی
ہوتی ہیں، ان میں قریب 11 فیصد کسان ہوتے ہیں۔
سیاستدان کسان کو لے کر بات تو کرتے ہیں، لیکن کسانوں کے پاس کوئی پہنچتا
نہیں ہے۔ تحویل اراضی قانون کو لے کر بھی کسان پریشان ہیں۔ سیاسی جماعتیں
اس قانون کو لے کر ایک دوسرے کو گھیر رہی ہیں۔ کانگریس کسانوں کے ذریعہ
اپنی زمین ہموار کر نے میں لگی ہے، تو بی جے پی تحویل اراضی قانون کو لے کر
کسانوں کی قسمت بدلنے کی بات کر رہی ہے۔ لیکن جس کے لئے قانون بنا ہے، اس
کی حالت میں کوئی بہتری نہیں ہے۔ صرف سیاست ہو رہی ہے۔
نتن گڈکری، سونیا گاندھی اور انا ہزارے کو تحویل اراضی قانون پر کھلے فورم
پر بحث کے لئے چیلنج دے چکے ہیں۔سونیا گاندھی بھی پیچھے ہٹنے کو تیار نہیں
ہیں۔ جو چیزیں وہ اپنی پارٹی کے اقتدار کے دوران 10 سالوں میں نہیں کر
پائیں، وہ اب کر رہی ہیں اور کسانوں کے ساتھ کھیتوں میں کھڑی نظر آ رہی ہیں۔
اگر نتن گڈکری کسانوں کے مسئلہ کو لے کر اتنے سنجیدہ ہیں تو ان کو پہلے
کسانوں کے پاس پہنچنا پڑے گا اور کسانوں کو اس قانون کے بارے میں سمجھانا
پڑے گا۔ نتن گڈکری جس ریاست سے آتے ہیں، اس ریاست میں سب سے زیادہ کسانوں
نے خود کشی کی ہے۔
کیا سچ میں ہم لوگ کسانوں کے مسئلہ کو لے کر سنجیدہ ہیں؟ ہو سکتا ہے، میں
بھی نہیں ہوں۔ میرے مضمون میں کسانوں کے سارے مسئلے سامنے نہیں آئے ہوں گے،
لیکن مجھ سے زیادہ ان لوگوں کو اس مسئلے کو سنجیدگی سے لینا چاہئے، جو
کسانوں کو لے کر اپنی قسمت چمکانا چاہتے ہیں۔
ویر پال کی زندگی دراصل عالمی ماحولیاتی تبدیلی کی وجہ سے کسانوں کی درد
بھری زندگی کی جیتی جاگتی مثال ہے۔ مسلسل برباد ہوتی فصل اور قیمتوں میں
آتے اتار چڑھاؤ کی وجہ سے تباہ ہوئے ویر پال نے ڈیری کے کاروبار میں ہاتھ
آزمانے کی کوشش بھی کی۔ اس کے لئے انہوں نے عوامی بینکوں سمیت تمام دیگر
ادارہ قرض ایجنسیوں سے بھی قرض لینے کے لئے کافی بھاگ دوڑ کی لیکن کوئی
نتیجہ نہیں نکلا۔ آخر کار انہوں نے تین فیصد فی مہینہ کی شرح پر گاؤں کے
ساہوکار سے 60 ہزار روپے کا ادھار لیا۔ پانچ ہزار روپے انہوں نے اپنے رشتہ
داروں سے لیےء اس کے بعد جیسے تیسے کرکے گزشتہ سال ایک بھینس خریدی تھی
لیکن دکھوں نے یہاں بھی ان کا پیچھا نہیں چھوڑا. ان کی بھینس دو ماہ کے
اندر اندر مر گئی۔ اب انہیں بطور سود ہر ماہ 1800، روپے ساہوکار کو ادا
کرنے پڑ رہے ہیں۔
اس قابل رحم حالت میں بھی ان کا استحصال کیاگیا عجیب و غریب دیہی ضوابط
ساخت اور کسانوں کی مجبوری نے استحصال کا وسیع ماحول تیار کر دیا ہے اسمیں
افسران، ساہوکار اور قرض دلانیوالے دلال شامل ہوتے ہیں، جو کسانوں کو لون
دلانے میں مدد کرتے ہیں۔ بینک کسانوں کے تئیں بے حس ہوتے ہیں۔ جب ضرورت
ہوتی ہے تب وہ قرض نہیں دیتے ہیں۔ اس لئے ساہوکارسے قرض لینے پر مجبور ہونا
پڑتا ہے۔بینک بہت سے معاملات میں قرض کے بدلے بہت زیادہ سود لگاتے ہیں۔
ایسے میں قرض ادا کرنے کے لئے گروی کے طور پر زمین ہی رکھنی پڑتی ہے۔ لیکن
اگر فوری طور پیسے کی ضرورت ہوتی ہے تو ساہوکاروں سے رابطہ کرنے کے علاوہ
کوئی چارہ نہیں ہوتا ہے۔
تب اگلا منطقی سوال یہ اٹھتا ہے کہ یہ کسان سرکاری قرض منصوبوں جیسے- کسان
کریڈٹ کارڈ کا فائدہ کیوں نہیں اٹھاتے؟ مرکزی حکومت، آر بی آئی اور نابارڈ
کی پہل پر شروع کیا گیا یہ کارڈ عام بینک قرض حاصل کرنے میں تاخیر ہونے پر
مددگار ثابت ہوتا ہے ۔لیکن سچ تو یہ ہے کہ بینک اس وقت تک کارڈ جاری نہیں
کرتے جب تک کہ کسان لون دلانیوالے دلالوں سے رابطہ کر کے بینک حکام کو
کمیشن نہیں دے دیتے۔کمیشن کی عام شرح اصل رقم کی 25 فیصد ہوتی ہے۔ اگر کسان
کو قرض فوری چاہئے تو یہ شرح اور بڑھ جاتی ہے۔ اس لئے تمام قدرتی آفات کے
بعد کمیشن کی شرح زیادہ ہی ہوتی ہے. تمام بینکوں میں مؤثر سیاسی جماعتوں سے
رابطہ رکھنے والے دلال موجود رہتے ہیں. یہ بروکر کسانوں کو بینک منیجر سے
ملنے ہی نہیں دیتے ہیں اور اگر کسی طرح ان سے ملنے میں کامیاب ہو جاتے ہیں
تو وہ مشورہ دیتے ہیں کہ بروکر سے رابطہ کر لیں اس طرح بینکوں کے افسران،
ساہوکار اور دلال کمیشن لے کر کسانوں کو لون دلاتے ہیں پھر استحصال کرتے
ہیں۔حالیہ دنوں میں اتر پردیش میں اس طرح کے مسائل سے گھرے کسانوں کی خود
کشی کی کئی وارداتیں ہو چکی ہیں جو اخبارات کی سرخیاں نہیں بٹور سکیں۔ گنا
کسانوں کے مسئلہ اور بھی سنگین ہے۔گنا مل مالکان کی ایک طاقتور لابی اور
مرکز اور ریاستی حکومت کی خراب پالیسیوں کی وجہ سے گنا کسان زیادہ پریشان
ہو رہے ہیں۔ حکومتیں قلیل مدت فائدہ پر زیادہ توجہ دے رہی ہیں۔ حال ہی میں
آئی تباہی میں 97.29 لاکھ ہیکٹر کی فصل برباد ہو گئی ہے۔اتر پردیش میں
بیموسم بارش کی مار سے دو چار کسانوں کی خود کشی کی کئی وار داتیں یکھنے کو
ملی ہیں۔اتر پردیش میں زرعی مسئلہ کو نواصلاحات اور موسمیاتی تبدیلی کے بڑے
سیاسی و اقتصادی منظر نامے میں دیکھا جانا چاہئے۔ اترپردیش اور دوسری
ریاستوں میں بارش کے طور پر برسی تباہی کے بعد ہمیں ملک میں زراعت انشورنس
کی حالت کا تنقیدی جائزہ لینا چاہئے۔ کسان مکمل زراعت انشورنس کا مطالبہ کر
رہے ہیں، جو فصل برباد ہونے اور کسانوں کی آمدنی کم ہونے پر پورا تحفظ
دے․․․․․․انشورنس تحفظ میں تمام کسانوں کو جس میں پٹٹے دار کسان اور بٹای
ئدار بھی ہیں، شامل کیا جانا چاہئے کسانوں کو ایک جامع انشورنس پیکیج دینے
کی ضرورت ہے۔ساتھ ہی سیاستدانوں کو کسانوں کی حالت زار پر رحم کرتے ہوئے
کوڑیوں کے چیک تقسیم کرکے تالیاں بٹورنے سے پرہیز کرنا چاہئے۔ |