سورہ الاعراف - 7 -
-------------- آیات # 144 تا 147
فرمایا اے موسیٰ میں نے تجھے لوگوں سے چن لیا اپنی رسالتوں اور اپنے کلام
سے تو لے جو میں نے تجھے عطا فرمایا اور شکر والوں میں ہو - اور ہم نے اسکے
لیے تختیوں میں لکھ دی ہر چیز کی نصیحت اور ہر چیز کی تفصیل اور فرمایا اے
موسیٰ اسے مضبوطی سے لے اور اپنی قوم کو حکم دے کہ اس کی اچھی باتیں اختیار
کریں عنقریب میں تمہیں دکھاؤں گا بے حکموں کا گھر - اور میں اپنی آیتوں سے
انھیں پھیر دونگا جو زمین میں نا حق اپنی بڑائی چاہتے ہیں اور اگر سب
نشانیاں دیکھیں ان پر ایمان نہ لائیں اور اگر ہدایت کی راہ دیکھیں تو اس
میں چلنا پسند نہ کریں اور گمراہی کا راستہ نظر پڑے تو اس میں چلنے کو
موجود ہو جائیں یہ اس لیے کہ انہوں نے ہماری آیتیں جھٹلائیں اور ان سے بے
خبر بنے - اور جنہوں نے ہماری آیتیں اور آخرت کے دربار کو جھٹلایا ان کا سب
کیا دھرا اکارت گیا انھیں کیا بدلہ ملے گا مگر وہی جو کرتے تھے |