نجی اسکولوں کی من مانیاں٬ وزیراعظم کا حکم اور آپ کی رائے

گزشتہ روز پاکستان کے وزیراعظم جانب نواز شریف کی جانب سے وزارتِ کیڈ کو احکامات جاری کیے گئے ہیں کہ رواں برس نجی سکولوں کی فیسوں میں کوئی اضافہ نہیں کیا جائے گا اور ساتھ ہی یہ حکم بھی دیا ہے کہ فیسوں میں اضافے کے حوالے سے تمام متعلقہ اداروں سے مشاورت کے بعد ایک متفقہ پالیسی تشکیل دی جائے-
 

وزیراعظم کی جانب سے یہ احکامات ملک بھر میں پرائیوٹ اسکولوں میں فیسوں میں کیے جانے والے اضافے کے خلاف والدین کے احتجاج کے بعد سامنے آئے ہیں-

پاکستان بھر نجی اسکولوں نے اپنی فیسوں میں بے پناہ اضافہ کیا جس سے والدین کے معاشی بوجھ میں بھی اضافہ ہوگیا-

نجی اسکولوں میں زیرِ تعلیم بچوں کے والدین نے اس اضافے کو سراسر غلط عمل قرار دیا اور کئی روز تک اس اضافے کے خلاف مسلسل احتجاج کیا-

وزیراعظم نے والدین کے اس احتجاج کا سختی سے نوٹس لیا اور نجی اسکولوں سے مذاکرات کے لیے ایک کمیٹی تشکیل دی- مذاکرات کے بعد نجی اسکولوں کو احکامات جاری کیے گئے کہ وہ فیسوں میں کیا جانے والا اضافہ فوری طور پر واپس لیں-

تاہم ابھی تک یہ واضح نہیں کیا گیا کہ جو اسکول گزشتہ کئی ماہ اضافی فیسیں وصول کرچکے ہیں ان کی واپسی کے لیے کیا پالیسی اختیار کی جائے گی؟

لیکن معاملہ صرف فیسوں میں اضافے تک ہی نہیں رکنا چاہیے کیونکہ نیہی جی اسکول سال بھر مختلف حیلے بہانوں سے والدین کی جیبوں پر ہاتھ صاف کرتے رہتے ہیں-