ایسے دلکش پہاڑی قصبے جن سے آپ ناواقف ہیں

اگر آپ نے آج تک دنیا میں موجود مختلف پہاڑوں پر تعمیر چند دلکش قصبے یا گاؤں نہیں دیکھے تو سمجھیں آپ نے اب تک دنیا میں کچھ نہیں دیکھا- جی ہاں یہ پہاڑی قصبے یا گاؤں اتنے خوبصورت ہیں کہ یہاں جانے والے کبھی انہیں بھول نہیں پاتے- تاہم ان کے گاؤں کے چھوٹے ہونے کی وجہ سے کم ہی لوگ ان سے واقف ہوتے ہیں- لیکن ہم آپ کو آج کے آرٹیکل میں ضرور ان کے بارے میں بتائیں گے-
 

Aspen
یہ گاؤں امریکہ کے بلند و بالا پہاڑیوں پر واقع ہے لیکن یہ کوئی عام گاؤں نہیں بلکہ ایک انتہائی پرکشش اور جدید گاؤں ہے- اس گاؤں میں متعدد مساج سینٹر٬ ریسٹورنٹس اور ہوٹل وافع ہیں-

Arties
اسپین کا یہ ایک خوبصورت ترین پہاڑی گاؤں ہے- اس گاؤں کی مقبولیت کی ایک بڑی وجہ تنگ گلیاں ہیں- لیکن یہاں کے برفانی پہاڑ اور سرسبز مرغزار بھی انتہائی مشہور ہیں-

Interlaken
یہ خوبصورت گاؤں سوئٹرز لینڈ میں واقع ہے- یہ گزشتہ 200 سالوں سے ایک مقبول ترین سیاحتی مقام بھی ہے- یہ گاؤں Bernese Oberland نامی ان پہاڑوں سے نقل و حمل کا ایک اہم راستہ بھی ہے-

Notre Dame de Bellecombe
فرانس میں واقع اس گاؤں کے خوبصورت اور ناقابلِ یقین نظارے ہر شخص کو اپنی جانب متوجہ کرنے میں کامیاب رہتے ہیں- یہ گاؤں چھوٹا ضرور ہے تاہم ضرورت کی ہر شے سے آراستہ ہے-

Reine
اگرچہ تکنیکی اعتبار سے یہ پہاڑی گاؤں سے زیادہ ایک ماہی گیری کا گاؤں ہے- پانی اور پہاڑوں کے حسین امتزاج کی بدولت اس کا شمار ناروے کے سب سے خوبصورت گاؤں میں ہوتا ہے-

Bled
یہ دلکش گاؤں سلوینیا کی جولین نامی پہاڑی چوٹیوں کے درمیان واقع ہے- اس گاؤں کی مقبولیت کی وجہ یہاں کی حیرت انگیز قدرتی خوبصورتی اور حسین و جمیل جھیل ہے-

Garmisch Partenkirchen
یہ پہاڑی قصبہ جرمنی کے علاقے Bavaria میں واقع ہے اور Zugspitze نامی پہاڑ کے انتہائی قریب ہے- اس پہاڑ کو جرمنی کا سب سے بلند ترین پہاڑ ہونے کا اعزاز حاصل ہے-

San Martino di Castrozza
اٹلی کے اس مقام پر سیاح اسکائینگ اور یہاں کے مزیدار کھانوں سے لطف اندوز ہونے کے لیے آتے ہیں- سیاح چوٹیوں کے درمیان گزرنے سے قبل یہاں کچھ وقت آرام کرتے ہیں-