اشتیاق احمد ایک درخشاں ستارہ

آج اشتیاق احمد صاحب کے انتقال کی خبر ہمیں پتہ چلی ۔۔۔۔۔۔۔۔۔۔ ان کی موت کے متعلق آرٹیکل پڑھ کر ہم شوکڈ کی کیفیت میں آگئے تھے ۔۔۔۔۔۔۔۔۔۔۔۔ ہمارا اور ان کے ناول کا تعلق اس وقت سے ہے جب ہم نے لکھنا پڑھنا سیکھا ۔۔۔۔۔۔۔۔۔ ہمیں یاد ہے ہماری دادی جنہیں ہم ددا کہتے تھے انہیں جاسوسی ناول پڑھنے کا بہت شوق تھا ۔۔۔۔ انہیں ہم نے کبھی خواتین ڈائیجسٹ یا دیگر خواتین کے رسالے پڑھتے نہیں دیکھا ۔۔۔۔۔۔۔۔ یا تو ہاتھ میں جاسوسی ناول ہوتا یا پھر بچوں کی کہانیاں ٹوٹ بٹوٹ یا نونہال ۔۔۔۔۔۔۔۔۔ سلور رنگ کا چھوٹا سا صندوق ہوتا تھا ۔۔۔۔۔ جو نادر بچوں کے کتب سے بھرا ہوتا تھا ۔۔۔۔۔۔۔۔ جن میں زیادہ تر کتابیں اشتیاق احمد کی ہوتی تھیں ۔۔۔۔

ہم نے نونہال بات میں پڑھا اور جمشید سیریز پہلے پڑھی ۔۔۔۔۔۔۔۔۔ اور جب پڑھنا شروع کیا تو بس پھر پڑھتے ہی چلے گئے ۔۔۔۔۔۔۔۔۔۔۔ آپ کا ہر ناول دوسرے سے مختلف ہوتا تھا ۔۔۔۔۔۔۔۔۔۔۔ بچوں کی اصلاح اور اور ہلکے پھلکے انداز میں محاوروں کا استعمال ۔۔۔۔۔۔۔ حب الوطنی ہر ناول سے عیاں تھی ۔۔۔۔۔۔۔۔۔۔ غرض کبھی بوریت کا احساس نہیں ہوتا تھا ۔۔۔۔۔۔۔۔۔ ابن صفی بھی جاسوسی سیریز میں ایک بہت بڑا نام ہے ۔۔۔اور ہم ان کی لکھی عمران سیریز بڑے شوق سے پڑھتے رہے ہیں مگر ۔۔۔۔۔۔۔۔۔ اشتیاق احمد کو جو پزیرائی بچوں اور بڑوں سے ملی وہ کسی اور رائٹر کے حصے میں نہیں آئی ۔۔۔۔۔۔۔۔ آپ کے ناول میں چاہے وہ انسپکٹر جمشید پر ہو شوکی برادران پر لکھا گیا ہو یا انسپکٹر کامران پر کہیں کوئی نازیبا کلام یا زبان استعمال نہیں کی گئی ۔۔۔۔۔۔۔۔ فکشن تھرل ۔۔۔۔ اور سسپنس اور خوبصورت چلبلے محاوروں کا استعمال قاری کو کبھی بور نہیں ہونے دیتا تھا ۔۔۔۔۔۔۔۔ میں سمجھتی ہوں ان کا انتقال اردو ادب کے لئے ایک سانحے سے کم نہیں ۔۔۔۔ جو آیا ہے اسے اسے جانا بھی ہے لیکن بعض انسان ایسے بھی ہوتے ہیں جن کے چلے جانے کے بعد بھی ان کی یاد دلوں سے مٹ تی نہیں ہے ۔۔۔۔ اور اشتیاق احمد صاحب ایک ایسا درخشاں ستارہ تھے جس کی چمک کبھی ماند نہیں پڑسکتی ۔