ایسا لگتا ہے کہ جوتے پہننے کے نہیں بلکہ
جوتے مارنے کے دن آگئے ہیں ابھی کچھ دن پہلے ہی ہمارے ملک کے صدر آصف
زرداری پر بھی کسی نے امریکا میں جوتا مارا اور آج پڑوسی ملک بھارت سے
اطلاع ملی کہ بھارت کے کنٹرول میں چلنے والے جموں و کشمیر کے وزیراعلٰی عمر
عبداللہ کو کسی جوتا مارا مگر وہ ٹارگیٹ پر نہیں لگا۔
میں یہ یقین سے کہہ سکتا ہوں کہ حکمرانوں کو جوتوں سے نشانہ بنانے والے بہت
شریف لوگ تھے اس قدر شریف کہ ان کو نشانہ لگانا ہی نہیں آتا تھا ورنہ کراچی
جو بھارت کے تربیت یافتہ دہشت گرد جس کو ٹارگٹ کرتے ہیں اسے جان سے مار ہی
دیتے ہیں۔
خیر ابھی بات ہورہی ہے جوتے پڑنے کی معاف کیجیئے جوتے مارنے کی۔۔۔۔۔۔۔۔۔۔۔۔آصف
زرداری پر جوتا مارنے یا پھینکنے کے واقعہ پر ہمیں امریکی صدر بش یاد آگئے
۔۔۔۔۔۔۔۔۔۔۔۔۔۔ان کو اپنے اقتدار کے آخری دنوں میں جوتا لگتے لگتے بچا
۔۔۔۔۔۔۔۔۔۔۔۔۔١٤ دسمبر ٢٠٠٨ کو عراق میں بش کو جوتا ہٹ ہوتے ہوتے بچ گیا
ورنہ جوتے کے وارے نیارے ہوجاتے۔۔۔۔۔۔۔۔مگر بڑا بد قسمت جوتا تھا جو امریکا
کے سابق صدر کا بوسہ لینے میں ناکام رہا۔
بہرحال لندن ہمارے صدر گئے اور ٨ اگست ٢٠١٠ کو وہ اس بات پر خوش نظر آرہے
تھے کہ انہیں برٹش میڈ کا برٹش ہی میں جوتا لگنے والا تھا کوئی کسی غریب
ملک میں یہ عزت افزائی نہیں ہوتی ایسے ان کی۔
بعض سیاستدانوں کی حرکتوں اور بیانات پر اس بات کا امکان ہے کہ آئندہ کبھی
کسی کو لوگ جوتا اتارکر نہیں بلکہ پہن کر ماریں گے۔۔۔۔۔۔۔۔۔۔۔۔۔ پاکستان
میں سندہ کے سابق وزیر اّعلٰی کو بھی جوتے کا سامنا کرنا پڑا تھا حالانکہ
وہ تو اسمبلی میں موجود تھے۔ لیکن اب نا جانے وہ کہاں ہیں حکومت میں تو
نہیں ہیں اور“ اندر “ بھی نہیں اس کا مطلب وہ باہر ہی ہونگے ۔۔۔۔۔ ملک سے
باہر۔۔۔۔۔۔۔۔۔۔۔۔۔۔
بات ہورہی تھی مقبوضہ کشمیر کے وزیرآعلٰی کی جوتا پڑائی کی رسم کی مگر وہ
بھی نا اہل نشانہ باز کی وجہ سے نہیں ہوسکی۔۔۔۔۔۔۔۔۔۔۔۔ویسے بھارت اپنے
پڑوسیوں سے جو رویہ روا رکھتا ہے اور مسلمانوں کے ساتھ جو کچھ وہاں ہوتا ہے
اس کے رد عمل میں وہاں بارش ہونی چاہیے اور وہ بھی جوتوں کی بارش۔۔۔۔۔۔۔۔۔۔۔۔۔۔۔
پاکستانی قوم کو کسی اور کی نہیں صرف اپنے ملک کے سیاستدانوں کی بہت فکر
رہتی ہے اور اب تو شائد ہی کوئی ایسی محفل، ایسا اجتماع اور ایسی تقریب
ہوتی ہوگی جس میں حکمرانوں اور سیاستدانوں کے حوالے سے فکر اور ذکر نہ کرتے
ہوں۔۔۔۔۔۔۔۔۔۔۔۔۔۔۔۔۔۔۔۔اب تو حال یہ ہوگیا کہ سبزی لینے جائیں تو سبزی
فروش بھی بے چارہ حکمرانوں کا ذکر کیئے بغیر نہیں رہتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کوئی گاہک اگر سوال کر لے کہ بھائی تمھارے خیال
اس کا حل کیا ہے وہ برجستہ کہتا ہے کہ “حل حل تو صرف جوتے ہیں ان حکمرانوں
اور سیاست دانوں کو جوتے وہ بھی مسلسل “۔ (ختم شدہ) |