فائنل پاکستان اور دہشتگردوں کے درمیان

(Syed Anwer Mahmood, Karachi)
حکومت پاکستان کو چاہیے کہ وہ اس چیلنج کو قبول کرئے اور ابھی سے واضع طور پر اعلان کرئے کہ پی ایس ایل کا فائنل لاہورمیں ہی ہوگا، اب یہ فائنل ثانوی طور پر تو وہی دو ٹیمیں کھیل رہی ہونگی جو دوسرئے ایڈیشن میں شامل ہیں لیکن حقیقت میں یہ فائنل پاکستان اور دہشتگردوں کے درمیان ہوگا۔
پاکستان سپر لیگ (پی ایس ایل) پاکستان کی ٹی/20 پریمئر لیگ ہے۔ یہ لیگ ٹیموں کے نام کی بجائے شہروں کے نام پر مشتمل ہے۔ ٹیموں کو ’’لاہور قلندرز، اسلام آباد یونائیٹڈ،کراچی کنگز،کوئٹہ گلیڈیٹرز اورپشاور زلمی‘‘ کے نام دیے گئے ہیں۔اس لیگ کا مقصد بین الاقوامی کرکٹ ٹیموں کو پاکستان میں کھیلنے کےلیے آمادہ کرنا ہے۔ پی ایس ایل کی پانچ فرنچائز کی نیلامی 93 ملین امریکن ڈالر کے عوض دس سال کے لیے کی گئی ہے، سب سے بڑی بولی ’کراچی کنگز‘ کے لئیے لگائی گئی۔ پاکستان نے کھلاڑیوں کےلئے 2 ملین امریکی ڈالر کا بیمہ کروایا اور غیر ملکی کھلاڑیوں کی آمدنی کو ٹیکس سے مستثنیٰ قرار دیا گیا ۔ گذشتہ سال 2016 میں پاکستان کرکٹ بورڈ کی زیرنگرانی پی ایس ایل کا پہلا ایڈیشن 4تا 23 فروری 2016شارجہ اور دوبئی میں ہوا۔ جس کے فائنل میں اسلام آباد یونائیٹڈ نے کوئٹہ گلیڈی ایٹرز کو ہرا کر فتح اپنے نام کی تھی۔ پاکستان سپر لیگ کےسرکاری لوگو کی تقریب لاہور کے ایکسپو سینٹر میں 20 ستمبر 2015کو منعقد ہوئی ، اسی تقریب میں سرکاری گانے "اب کھیل کے دکھا" کو بھی علی ظفر کے آواز میں پیش کیا گیا۔

نو فروری 2017کو دبئی میں ہونے والی ایک رنگا رنگ تقریب سے پی ایس ایل کے دوسرے ایڈیشن کا آغاز ہو گیا ہے، دوسرے ایڈیشن میں گذشتہ سال کی طرح ہی پانچ ٹیمیں حصہ لے رہی ہیں، مجموعی طور پر 24 میچز کھیلے جائیں گے، دبئی 13 اور شارجہ 10 میچوں کی میزبانی کرے گا جبکہ پاکستان کرکٹ بورڈ نے اس بار فائنل 5 مارچ کو لاہور میں کرانے کا اعلان کر رکھا ہے، ساتھ ہی پاکستان کرکٹ بورڈ نے یقین دلایا ہے کہ تمام کھلاڑیوں اور آفیشلز کی سکیورٹی کو یقینی بنانے کے لیے ہر ممکن اقدامات کیے گئے ہیں۔تاہم فیڈریشن آف انٹرنیشنل کرکٹرز ایسوسی ایشن (فیکا) نے بین الاقوامی کرکٹرز کو متنبہ کیا کہ وہ فائنل کے لیے لاہور جانے سے گریز کریں۔ پوری پاکستانی قوم پی ایس ایل کے دوسرئے ایڈیشن میں بھرپور دلچسپی لے رہی ہے مگر ساتھ ہی پاکستان کے عوام دہشتگردی کے ناسور سے بھی نبروآزما ہیں۔ گذشتہ پانچ دن میں ملک کےچاروں صوبوں میں دہشتگردی کی آٹھ چھوٹی بڑی وارداتوں کی وجہ سے ایک سو سے زیادہ افراد جاں بحق اور سیکڑوں زخمی ہوچکے ہیں۔ 13 فروری کو لاہور میں ایک بڑی دہشتگردی ہوئی جس میں سات پولیس اہلکاروں سمیت 13 افراد جاں بحق اور84سے زیادہ زخمی ہوئے ہیں، اس دہشتگردی کے بعد اسی رات پی ایس ایل کے سربراہ نجم سیٹھی کا کہنا تھا کہ فائنل لاہور میں ہی ہوگا۔

جمرات 16 فروری 2017 کی شام کو صوبہ سندھ کے شہر سہون شریف میں لال شہباز قلندر کے مزار پر ایک خودکش حملہ آور نے اپنے آپ کو دھماکے سے اڑا لیا جس کے نتیجے میں 80 سے زیادہ افراد جاں بحق ہوگئے، جبکہ زخمیوں کی تعداد 250 سے زیادہ ہے ایک اخباری اطلاع کے مطابق پی ایس ایل کا فائنل لاہور میں ہوگا یا نہیں اس کا فیصلہ اب 25 فروری کو ہو گا۔ نجم سیٹھی کا کہنا ہے کہ پی ایس ایل کے فائنل کیلئے نئی ڈرافٹنگ 25 فروری کو ہو گی۔ اس موقع پر غیر ملکی کھلاڑیوں اور پانچوں فرنچائزز کے سامنے فارمولا رکھا جائے گا کہ لاہور فائنل کیلئے کون کون تیار ہے اور کون نہیں؟ نجم سیٹھی کا کہنا ہے کہ جو کھلاڑی لاہور جانے کے لیے تیار نہیں ان کی جگہ نئے غیر ملکی کھلاڑیوں کو شامل کیا جائے گا جن سے وہ رابطے میں ہیں۔ انہوں نے کہا کہ وہ چاہتے ہیں کہ پاکستان سپر لیگ کا فائنل لاہور ہی میں ہو اور اس میں غیر ملکی کھلاڑی حصہ لیں۔

پاکستان سپر لیگ کے سربراہ نجم سیٹھی نے پیر 12 فروری2017 کی رات کو پوری پاکستانی قوم سےایک سوال کیا تھا کہ پی ایس ایل کا فائنل لاہورمیں ہونا چاہیے یا نہیں، پوری پاکستانی قوم اس بات پر متفق تھی کہ فائنل لاہور میں کرایا جائے۔ اس کے بعد دہشتگردوں نے ایک اور دہشتگردی کا مظاہرہ 16 فروری 2016 کی شام درگاہ لال شہباز قلندر پر کیا۔ یہ دہشتگردوں کی طرف سے پاکستان کی حکومت کو ایک کھلاچیلنج ہے، حکومت پاکستان کو چاہیے کہ وہ اس چیلنج کو قبول کرئے اور ابھی سے واضع طور پر اعلان کرئے کہ پی ایس ایل کا فائنل لاہورمیں ہی ہوگا، اب یہ فائنل ثانوی طور پر تو وہی دو ٹیمیں کھیل رہی ہونگی جو دوسرئے ایڈیشن میں شامل ہیں لیکن حقیقت میں یہ فائنل پاکستان اور دہشتگردوں کے درمیان ہوگا۔ دہشتگردشاید بھول گے کہ واہگہ باڈر پر پرچم اتارنے کی تقریب کے وقت دو نومبر 2014 کو ان کے خود کش دھماکے کے نتیجے میں تین رینجرز اہلکاروں سمیت 60 افراد جاں بحق اور 175سے زائد زخمی ہوگئے لیکن اگلے روز 3 نومبر کو پھر تقریب ہوئی، ایک دن پہلے اپنے جاں بحق ہونے والے پاکستانی بہن بھایوں کا غم تھا، لیکن لوگوں کی ایک بڑی تعداد نے واہگہ بارڈر پر پرچم اتارنے کی تقریب میں شرکت کی تھی۔دہشتگردہارگئے تھے،دہشتگرد پاکستانیوں کے حوصلے پست نہ کرسکے تھے، پھر 22 مئی 2015کو زمبابوے کی کرکٹ ٹیم نے لاہور کے قذافی اسٹیڈیم میں پاکستان کے ساتھ ٹی/20 کا انٹرنیشنل میچ کھیلا جو دہشتگردوں کے منہ پر ایک طمانچہ تھا۔

آرمی چیف جنرل قمرجاوید باجوہ تو پہلے ہی یہ یقین دہانی کراچکے ہیں کہ افواج پاکستان پی ایس ایل کے فائنل کیلئے مکمل تعاون کرے گی۔ دوسری طرف مئیر کراچی وسیم اختر کا کہنا ہے کہ اگر موجودہ واقعات کی وجہ سے بین الاقوامی کھلاڑی پاکستان نہ بھی آئیں تب بھی پی ایس ایل کا فائنل ملک میں ہی ہونا چاہیے، انہوں نے پی سی بی کو پیشکش کرتے ہوئے کہاکہ اگر پی ایس ایل کا فائنل کراچی میں کرائیں تو وہ اس کی تمام تر ذمہ داری لینے کے لیے تیار ہیں۔ اور اب تو یہ معاملہ ایک بین الاقومی شکل اختیار کرچکا ہے کیونکہ انگلش بورڈ کے صدر اور پاکستان ٹاسک ٹیم کے سربراہ جائلز کلارک نے کہا ہے کہ پاکستان دشمن قوتوں کو شکست دینےکے لئےلاہور میں فائنل ضرور ہونا چاہیے۔جائلز کلارک نے پی سی بی کو کی گئی ای میل میں لاہور سانحہ پر گہرے دکھ کا اظہار کیا ہے اور پی سی بی سے کہا کہ وہ فائنل لاہور میں کرانے کے لئے ثابت قدم رہے۔ آئی سی سی کے سیکیورٹی ماہرین ہر صورت میں پاکستان آئیں گے۔ جائلز کلارک نے پی ایس ایل کے سربراہ نجم سیٹھی سے کہا ہے کہ لاہور میں جو کچھ ہوا اس سے دکھ ہے لیکن اگر فائنل نہ ہوا تو پھر دہشتگردوں کے عزائم مضبوط ہوں گے۔ جبکہ سری لنکا سے تعلق رکھنے والے کھلاڑی سنگا کارا جو کراچی کنگز کے کپتان بھی ہیں انہوں نے پاکستان میں کھیلنے پر رضامندی ظاہر کردی ہے۔ ان کا کہنا ہے کہ اگران کی ٹیم پی ایس ایل کے فائنل میں پہنچ جاتی ہے تو وہ لاہور میں ضرور کھیلیں گے، انہیں بہت خوشی ہوگی کہ پاکستان میں کرکٹ کے شائقین اپنے کھلاڑیوں کو وطن میں کھیلتا دیکھیں۔

پاکستان سپر لیگ کے سربراہ نجم سیٹھی کوچاییے کہ وہ دہشتگردوں کے اس چیلنج کو قبول کریں اور فوری طور پر لاہور میں فائنل کا اعلان کردیں، اس کے ساتھ ہی ان کو چاہیے کہ وہ صدر پاکستان ممنون حسین کو اس فائنل کے مہمان خصوصی کے طورپر اور آرمی چیف جنرل قمر جاوید باجوہ، چیف منسٹر پنجاب شہباز شریف، پاکستان کرکٹ ٹیم کے سابق کپتان اور موجودہ سیاسی رہنما عمران خان، وفاقی وزیر داخلہ چوہدری نثار، صوبائی وزیر قانون رانا ثنا اللہ اور کچھ اعلیٰ حکام کو بھی لاہور کے فائنل میچ کودیکھنے کی دعوت دیں، یقیناً اس سےعام لوگوں میں ایک اچھا پیغام جائے گا اور ایک کثیر تعداد میں لوگ فائنل دیکھنے آینگے جو دشتگردوں کے منہ پر ایک طمانچہ ہوگا اور دنیا کو یہ پیغام جائے گا کہ پاکستان ایک پرامن ملک ہے لیکن دہشتگردوں سے ہر گز خوفزدہ نہیں۔
 
Comments Print Article Print
 PREVIOUS
NEXT 
About the Author: Syed Anwer Mahmood

Read More Articles by Syed Anwer Mahmood: 477 Articles with 318036 views »
Syed Anwer Mahmood always interested in History and Politics. Therefore, you will find his most articles on the subject of Politics, and sometimes wri.. View More
Recent Politics Articles
یوم تجدید عہد وفا اور دفاع وطن کے تقاضے (حصہ سوم)۔۔۔۔۔۔۔۔۔۔۔۔ آخری ۔۔۔۔۔۔۔۔۔۔۔۔۔
ڈسکہ میں خون خرابہ، پنجاب سینٹ میں مفاہمت؟
وزیر اعظم کے لیے تالیاں
سیاسی فرقہ واریت
گلگت بلتستان میں بھارتی دہشتگردی کے ثبوت
View all Politics Articles
Most Viewed (Last 30 Days | All Time)
17 Feb, 2017 Views: 670

Comments

 آپ کی رائے
میرا تجزیہ
میں نے اپنے اس مضمون میں لکھا ہے کہ’’حکومت پاکستان کو چاہیے کہ وہ اس چیلنج کو قبول کرئے اور ابھی سے واضع طور پر اعلان کرئے کہ پی ایس ایل کا فائنل لاہورمیں ہی ہوگا، اب یہ فائنل ثانوی طور پر تو وہی دو ٹیمیں کھیل رہی ہونگی جو دوسرئے ایڈیشن میں شامل ہیں لیکن حقیقت میں یہ فائنل پاکستان اور دہشتگردوں کے درمیان ہوگا۔ ساتھ ہی میں نے مضمون کے آخری پیرگراف میں لکھاہے کہ ’’ پاکستان سپر لیگ کے سربراہ نجم سیٹھی کوچاییے کہ وہ دہشتگردوں کے اس چیلنج کو قبول کریں اور فوری طور پر لاہور میں فائنل کا اعلان کردیں، اس کے ساتھ ہی ان کو چاہیے کہ وہ صدر پاکستان ممنون حسین کو اس فائنل کے مہمان خصوصی کے طورپر اور آرمی چیف جنرل قمر جاوید باجوہ، چیف منسٹر پنجاب شہباز شریف، پاکستان کرکٹ ٹیم کے سابق کپتان اور موجودہ سیاسی رہنما عمران خان، وفاقی وزیر داخلہ چوہدری نثار، صوبائی وزیر قانون رانا ثنا اللہ اور کچھ اعلیٰ حکام کو بھی لاہور کے فائنل میچ کودیکھنے کی دعوت دیں، یقیناً اس سےعام لوگوں میں ایک اچھا پیغام جائے گا اور ایک کثیر تعداد میں لوگ فائنل دیکھنے آینگے جو دشتگردوں کے منہ پر ایک طمانچہ ہوگا اور دنیا کو یہ پیغام جائے گا کہ پاکستان ایک پرامن ملک ہے لیکن دہشتگردوں سے ہر گز خوفزدہ نہیں‘‘۔
ایک خبر کے مطابق فائنل لاہور میں ہی ہوگا اورتمام وی آئی پی کو دیکھنے کی دعوت دی جائے گی، اللہ کا شکر ہے کہ میرا تجزیہ صحیح ثابت ہوا۔
By: Syed Anwer Mahmood, Karachi on Feb, 20 2017
Reply Reply
0 Like
سید صاحب آپ کے کالم کی ایک خصوصیت یہ ہوتی ہے کہ آپ پہلے پوری معلومات دیتے ہیں، پھرحکومت یا دوسروں کے موقف، پھر اپنا تجزیہ، عام طور پر آپ کے تجزیے مکمل تو نہیں مگرقابل قبول ہوتے ہیں، لیکن اس کالم میں آپکا تجزیہ بلکل درست نہیں ہے، زرا سوچیں میچ کراچی میں ہو یا لاہور میں اگرکسی ایک کھلاڑی کے ساتھ کچھ بھی ہوا تو یہ سمجھ لیں پوری دنیا میں بدنام ہوجاینگے، نجم سیٹت اپنے نمبر بنارہے ہیں اوریہاں آپ، بھائی کیوں پاکستان کے دشمن بنے ہوئے ہیں۔
By: جالب رزاق, Karachi on Feb, 18 2017
Reply Reply
0 Like