ر سے رشتے داررر

ر سے روئیے ، ش سے شرارتیں، ت سے تنقید، ے سے یاریاں، د سے دلار ، ا سے اللہ خیر اور ر سے روائتیں ۔۔۔۔۔۔۔۔۔۔۔۔۔۔۔۔۔۔۔۔۔ ان سب کا مکسچر ہمارے ہاں کے رشتے دار بنتے ہیں۔
انسان اپنے نصیبوں اور رشتے داروں سے چاہ کر بھی دور نہیں بھاگ سکتا کیونکہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جو اللہ آپ کو دے دے پھر ہنستے ہنستے لیں یا روتے رروتے ۔۔۔۔۔۔۔۔۔۔۔۔۔۔۔۔۔۔۔۔۔ آپ کو نبھانا تو پڑیگا۔ انسان نے مچھر مکھی اور انسان مارنے کے بھی جدید آلات بنا لئے مگر ۔۔۔۔۔۔۔۔۔۔۔۔۔۔۔۔۔۔۔۔۔۔۔ تا حال وہ ایسی کوئی مشینری نہیں بنا سکا جو کہ اُسے رشتے داروں سے نجات دلا سکے۔
انسان دنیا کی واحد مخلوق ہے جو دنیا میں آتے ساتھ ہی رشتے دار یافتہ ہو جاتا ہے اور جوں جوں پروان چڑھتا ہے۔۔۔۔۔۔۔۔۔۔۔۔۔۔۔۔۔۔۔۔۔ سوچتا رہتا ہے بس یہی رہ گئے تھے میرے بننے کے لئے اور ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ رشتہ دار سوچتے رہتے ہیں بس یہی رہ گیا تھا اللہ کو ہمیں دینے کے لئے۔۔
انسان کی اتنی تناہی اور بربادی آج تک کسی آلے نے نہیں کی جتنی رشتہ داری زبانیں کر جاتی ہیں۔ انسان ہر چیز کو لگام ڈال سکتا ہے حتی کہ انٹرنیٹ استعمال کرنے کے گھنٹوں کو بھی ماسوائے۔۔۔۔۔۔۔۔۔۔۔۔۔۔۔۔۔۔ رشتہ داروں کی زبان کے
انسان بے شک مرتا مر جائے رشتے دار کو راز بتانا نہ سیکھے ۔ انسان کو جتنی رنجشیں آج تک رشتوں نے دیں، جتنی پشیمانیاں رشتوں نے دیں، جتنی دل جگر چھلنی کرنے کی کہانیاں رشتوں نے دیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اتنی نہ تو کسی حکمران نہ کسی سیاستدان نہ کسی سائنسدان نے دیں۔
بہت سے لوگ کہتے ہیں کہ جو رشتے دار ہیں وہ سٹار پلس اور ایسے ہی خوفناک ڈرامے دیکھ کر بگڑتے ہیں جبکہ میرا مشاہدہ تو کہتا ہے کہ انسان بگڑا ہی ہوتا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈراموں کو بے قصور بدنام کرتا ہے۔
انسان نے رشتے داروں سے بدلہ لینے کے لئے زبان اور ہاتھ کے جو ہر استعمال کرنا سیکھے اب یہ اور بات ہے کہ رشت داری کا لحاظ کرتے ہوئے انسان زبان ذیادہ مزید ذیادہ استعمال کرتا جاتا ہے جبکہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہاتھ بھی کم کم مگر استعمال ضرور کرتا ہے۔
کہا جاتا ہے عورت خاص طور پر لڑائی کروانے میں کام آتی ہے۔ میں نے تو یہ دیکھا ہے لڑائی کروانی ہو، گھمانی ہو، مکانی ہو ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سب سے بااثر چیز عورت ہی ہے۔ عورت کی وجہ سے تاریخی اور خاندانی جنگیں ہوتی رہیں۔۔۔۔۔۔۔۔۔۔۔۔۔۔۔۔۔۔۔۔۔ اب یہ اور بات ہے کہ عورت بہت کچھ سیکھ تو گئی ہے سوائے۔۔۔۔۔۔۔۔۔۔۔۔۔۔۔۔۔۔۔۔۔۔۔ لڑائی رُکوانے میں کردار کیسے ادا کرے اس بات کے۔
انسان کی مالی معاشرتی سماجی جزباتی اخلاقی ۔۔۔۔۔۔۔۔۔۔۔۔۔۔۔۔۔۔۔۔۔ غرض کوئی بھی پریشانی ہو اسکی وجہ رشتے داروں کے جادو ٹونے کو ہی سمجھا جاتا ہے۔ اب یہ اور بات ہے کہ جس رشتے دار پر شک ہو وہ چاہے صرف کچن کے ٹوٹکوں کے بھی مشکل سے ہی قابل ہو۔
اللہ نے رشتے داری جوڑنے کا اتنا حکم دیا صرف اسی وجہ سے کہ اسکو پتہ تھا کہ انسان ہی انسان کے لئے اتنے مشکل ہو جائیں گے کہ ایک دوسرے کو برداشت کرنا نا ممکن بنا دیں گے۔
جو ظرف والے ہیں وہ ہر حال میں رشتے نبھاتے ہیں۔۔۔۔۔۔۔۔۔۔۔۔۔۔۔۔۔۔ اللہ کا حکم مانتے ہیں۔