ٹیکساس ( 24 نیوز ) امریکی شخص نے گھر سے ملحقہ لان میں اچانک 30 ایسے سانپ دریافت کئے جو انتہائی خطرناک تصور کئے جاتے ہیں، واقعے کی ویڈیو سوشل میڈیا پر وائرل ہوگئی۔
تفصیلات کے مطابق ٹیکساس کے ایک شخص کی جاری کردہ ویڈیو سوشل میڈیا پر وائرل ہوگئی جسے دیکھ کر جِھرجِھری طاری ہوجاتا ہے، ویڈیو میں سانپوں کا ایک ڈھیر دیکھا جاسکتا ہے، بوبی کووان نامی شخص نے یہ ویڈیو ٹیکساس کے ایک علاقے گورمن میں بنائی ہے، ایک کیبن کے چھپر کے نیچے پہلے ایک سانپ رینگتا نظر آیا تو اسے لفٹر کے ذریعے اٹھایا گیا اور وہ یہ دیکھ کر حیران رہ گئے کہ اس کے نیچے ایسے تین درجن کے قریب سانپ موجود تھے جو اپنی دم ہلاکر خاص آواز پیدا کرتے ہیں اور اسی بنا پر انہیں ریٹل اسنیک کہا جاتا ہے۔