پولیس بھرتی کے لیے کامیاب امیدواروں نے ٹریننگ کے لیے نہ بلائے جانے پر آئی جی آفس کے سامنے احتجاجی مظاہرہ کیا۔
نوجوانوں کا کہنا تھا کہ ہم نے میرٹ پر ٹیسٹ پاس کیا لیکن ہمیں محکمہ پولیس میں بھرتی نہیں کیا جارہا۔ مظاہرے کے باعث آئی آئی چندریگر روڈ پر ٹریفک جام ہوگیا۔
آئی جی آفس پر احتجاج کی اطلاع ملتے ہی پولیس پہنچی اور مظاہرین کو بتایا گیا کہ پولیس کے پاس جتنی پوسٹیں تھیں ان پر تعیناتیاں کی جاچکی ہیں، بھرتی سے رہ جانے والے امیدوار ویٹنگ پر ہیں اور جب بھی پوسٹیں آئیں گی تو انھیں بلا لیا جائے گا۔
ایس ایچ او کھارادر پون کمار نے ہماری ویب کو بتایاکہ اندرون سندھ سے آئے ہوئے 12 سے 15 افراد تھے جنہوں نے مظاہرہ کیا تھا جنہیں مطمئن کر دیا گیا اور وہ اپنے گھروں کو روانہ ہوگئے۔