چیرمین پشاور سے ملاقات میں وزیر اعظم عمران کا لیگ کے انعقاد پر خوشی کا اظہار اور مکمل تعاون کی یقین دہائی
پاکستان سپر لیگ فرنچائز پشاور زلمی کے چیرمین جاوید آفریدی نے اسلام آباد میں
وزیر اعظم عمران خان سے ملاقات کی ہے۔ ملاقات میں جاوید آفریدی نے وزیر اعظم عمران
خان سے پاکستان اسپورٹس کی۔موجودہ صورتحال پر تبادلہ خیال کیا۔ جاوید آفریدی نے اس
موقع پر وزیر اعظم کو آگاہ کیا کہ پشاور زلمی برطانیہ کی TSGکمپنی کے ساتھ مل کر
پاکستان میں انٹرنیشنل فٹبال لیگ کا انعقاد کرے گی۔ لیگ میں انٹرنیشنل فٹبال اسٹارز
شریک ہوں گے۔ وزیر اعظم عمران خان نے لیگ کے انعقاد پر خوشی کا اظہار کیا اور کہا
کہ حکومت اپنی اسپورٹس پالیسی اور ویژن کے تحت لیگ کے انعقاد میں مکمل تعاون کرے گی
۔وزیر اعظم عمران خان نے زلمی فاونڈیشن کے تحت ہونیوالی زلمی اسکول لیگ اور زلمی
مدرسہ لیگ کے پروگرامز کو بھی سراہا۔ملاقات میں TSG گروپ کے سربراہ احمر کنور بھی
موجود تھے۔