لالی ووڈ کی معروف اداکارہ اور ڈرامہ کوئن میرا کی ایک ویڈیو سوشل میڈیا پر وائرل ہو رہی ہے جس میں ان کا کہنا ہے کہ وہ اس وقت نیویارک کے علاقے مین ہیٹن ٹائم اسکوائر میں موجود ہیں۔
ویڈیو میں میرا کا وہی مخصوص انگریزی والا انداز ہے اور وہ کہہ رہی ہیں کہ آپ کو نیویارک کی تازہ صورتحال براہ راست بتا رہی ہوں۔
اداکارہ کا کہنا ہے کہ کورونا کے باعث اس وقت دنیا کا سب سے بڑا شہر سو رہا ہے، لہٰذا احتیاط کریں اور اپنے کمرے سے باہر نہ نکلیں۔
یاد رہے کہ گذشتہ دنوں میرا نے وزیراعظم عمران خان سے ہاتھ جوڑ کر وطن واپسی کی اپیل کی تھی، ان کا کہنا تھا کہ ان کے پاس پیسے ختم ہو گئے ہیں، وہ ہوٹل کے کمرے میں قید ہو کر رہ گئی ہیں۔