محکمئہ موسمیات کی جانب سے اس ہفتے خصوصاً پیر اور منگل کے روز کراچی میں ہیٹ ویوو کی لہر جاری رہے گی اور شہر کا درجہ حرارت دن کے وقت قریباً چالیس ڈگری تک محسوس کیا جاسکتا ہے۔ پیر اور منگل دونوں دن اسکول جانے والے اور آفس جانے والے لوگوں کے لئے بہت مصروف ہیں کیونکہ سب کو ہی صبح اور دوپہر کی گرمی کاسامنا کرنا پڑتا ہے جوکہ ایک اذیت ناک مرحلہ ہے ایسے میں خود کو خطرناک گرمی سے بچانے کے لئے ہم آپ کو چند ایک مفدی ٹپس دے رہے ہیں آپ بھی ان سے فائدہ اٹھائیں اور خود کو ہیٹ ویوو سے بچائیں۔
ٹپس:
• کپڑوں کو صبح کے وقت استری نہ کریں بلکہ رات کو کرکے رکھیں تاکہ صبح جب آپ کپڑے پہنیں تو ان کی گرمی آپ کومحسوس نہ ہو۔
• کوشش کریں کہ ایسے کپڑے پہنیں جو بہت ہلکے بھی نہ ہوں اور نہ بہت موٹے ہوں، درمیانے کپڑے پہنیں ۔
• پانی کا زیادہ سے زیادہ استعمال کرکے جسم کو ہائیڈریٹ کریں اور رات کے وقت بھی پانی کو پیئیں۔
• گرم پانی سے نہ نہائیں بلکہ سادے نارمل پانی سے نہائیں۔
• شام کے وقت ہلکی پھلکی ورزش بھی کریں تاکہ آپ کے پٹھے بھی چست رہیں۔
• سن بلاک کا لازمی استعمال رکھیں ۔ چہرے، ہاتھوں اور پیروں پر سن بلاک لگائیں۔
• پانی کی بوتل میں لیموں کے چند ٹکڑے کاٹ کر ڈال لیں اور اس کا استعمال کریں یہ ایٹی ہیٹ ویوو ڈرنک کے طور پر کام کرتا ہے۔
• موزے پہنتے وقت ہلکا سا پانی کا چھڑکاؤ کرلیں تاکہ جب باہر چلیں تو پاؤں میں تپش زیادہ نہ چڑھے۔