چائے پراٹھا آئس کریم ۔۔۔ پاکستانی نوجوان نے بنائی ایسی آئس کریم کے سب حیران رہ گئے

پاکستان میں صبح کے ناشتے میں سب سے زیادہ پسند کیا جانے والا یا یوں کہہ لیجیے کہ پاکستان کے ہر گھر کا روایتی ناشتہ کونسا ہے؟ یقیناً اس کا جواب ہوگا چائے اور پراٹھا ،مگر کیا کبھی کسی نے سوچا ہے کہ دودھ اور پتی سے بنی آئسکریم اور پراٹھے سے بنی کون بھی ہو سکتی ہے؟ پاکستان کے ایک نوجوان نے یہ سب حقیقت کر دکھایا ہے اور اپنے اس فن سے سب کو حیرت میں ڈال دیا۔
ٹوئیٹر پر اویس صدیقی نامی ایک نوجوان نے چائے اور پراٹھے کو کھانے کا ایک نیا طریقہ متعارف کروایا- انہوں نے دودھ، پتی، چینی اور مصالحے سے بنی مصالحہ چائے فلیور والی آئسکریم اور چینی ملا کر بنایا ہوا میٹھا پراٹھا آئسکریم کی کون کے طور پر استعمال کر کے ایسی آئسکریم بنا کر ایک منفرد تصویر پوسٹ کی- اس تصویر کے کیپشن میں انہوں نے لکھا کہ چائے پراٹھا اب نئے انداز میں ،دودھ پتی مصالحہ چائے سے بنی آئسکریم اور چینی سے لیس پراٹھا،َ
جس کے بعد کچھ ہی دیر میں یہ پوسٹ سوشل میڈیا پر وائرل ہوگیا ،جس پر سوشل میڈیا صارفین نے بھرپور تبصرے کئے ،کسی نے نوجوان کی اس انوکھی کوشش کو سراہا اور اسے پسند کیا تو کسی نے اسے عجیب و غریب کامبو قرار دیا۔