تفصیلات کے مطابق کمشنر کراچی افتخار شالوانی کی سربراہی میں شادی ہال مالکان کا اجلاس ہوا جس میں کراچی میں تمام شادی ہالز میں تقریبات کرنے کی مشروط اجازت دے دی گئی۔
کمشنر کراچی افتخار شالوانی نے کراچی میں شادی ہالز کیلئے نئی ہدایات جاری کر دیں جس کے لئے شادی ہالز مالکان اور مہمانوں کو سختی سے ایس او پیز پرعمل کرنا ہو گا، اور ہال میں 300 سے زائد مہمانوں کے داخلے پر پابندی عائد ہوگی۔
کمشنر کراچی افتخار شالوانی کا مزید کہنا ہے کہ بینکوئٹس میں اے سی بند رکھے جائیں گے جبکہ پنکھے چلائے جائیں گے۔
کمشنر کراچی کی جانب سے مزید گائیڈ لائنس کے بارے میں بتایا گیا ہے شادی ہال کی چھت کا 40 فیصد حصہ کھلا رکھا جائے، اور شادی ہالز کے بند حصوں کو کھول کر تازہ ہوا کے راستے کا انتظام کیا جائے۔