انتظامی امور کی بہتری کے لئے لاہور کو دو حصوں میں تقسیم کرنے کا فیصلہ،کام کا آغاز کردیا گیا۔
تفصیلات کے مطابق گزشتہ دنوں لاہور کو انتظامی اور مالی طور پر چار حصوں میں تقسیم کرنے کا کی تجویز دی گئی تھی مگر اس تجویز کو کمشنر لاہور نے مسترد کردیا تھا تاہم اب لاہور کو دو حصوں میں تقسیم کرنے کا فیصلہ کر لیا گیا ہے۔
کمشنر اور ڈپٹی کمشنر لاہور نے سینئر ممبر بورڈ آف ریونیو بابر حیات تارڑ کی سربراہی میں وزیراعلیٰ پنجاب عثمان بزدار کے احکامات کے مطابق لاہور کو دو مختلف حصوں میں تقسیم کرنے کے کام کا آغاز کردیا ہے ۔
فیصلے کے مطابق شہر کو لاہور سٹی اور لاہور صدر کے نام سے منسوب کیا گیا ہے جس میں اب انتظامی اور مالی طور پر ہر کام متعلقہ حصے کے سپرد ہوگا ۔
واضح رہے کہ تحصیل فیروزوالا کو بھی ڈسٹرک لاہور میں شامل کئے جانے کا امکان ہے تاہم اس پر ابھی کوئی حتمیٖ فیصلہ نہیں کیا گیا ہے ۔