پشاور میں کورونا تیزی سے پھیلنے لگا، بڑھتی شرح کے سبب ضلعی انتظامیہ نے ایک بار پھر لاک ڈاؤن نافذ کر دیا۔
تفصیلات کے مطابق پشاور کی ضلعی انتظامیہ نے کورونا کے بڑھتے کیسز کے باعث شہر کے 5 مختلف علاقوں میں اسمارٹ لاک ڈاؤن نافذ کر دیا، جن علاقوں میں لاک ڈاؤن کا نفاذ کیا گیا ہے اُن میں حیات آباد کے فیز 3 اور فیز 4 کے مختلف سیکٹرز، سرکلر روڈ سے متصل یکہ توت و مچنی روڈ سے متصل ورسک روڈ جبکہ خوشحال ٹاؤن اور کوہاٹ روڈ شامل ہیں۔
اعلامیے کے مطابق ان علاقوں میں صرف ضروری اشیاء کی دکانیں کھلی رہیں گی، دیگر کاروبار کھلا رکھنے کی اجازت نہیں ہو گی جبکہ اِن علاقوں میں غیر ضروری نقل و حرکت پر بھی پابندی ہو گی۔