پاکستان مسلم لیگ قائد اعظم (ق) کے رہنما مونس الہیٰ وزارت تعلیم کی کارکردگی سے مطمئن نظر نہیں آتے کیونکہ اپنے ایک بیان میں انہوں نے کہا کہ طلبہ کو سنے بغیر امتحانات کی تاریخ کو آگے پیچھے کرنا ٹھیک نہیں ہے اور حکومت کے پاس اس وقت کورونا وائرس سے تعلیم کو بچانے کیلئے نہ تو کوئی پالیسی ہے اور نہ ہی طلبہ کو تعلیمی بحران سے نکالنے کا کوئی پلان ہے۔
بس امتحانات کی تاریخ کو آگے پیچھے کرنے کے سوا اس وزارت میں کچھ نہیں ہوتا، اس لیے اس کا نام وزارت تعلیم نہیں بلکہ وزارت “ڈیٹ شیٹ“ ہونا چاہیے۔ اس کے علاوہ ان کا کہنا تھا کہ اب طلبہ کو بغیر تیاری کے امتحانات دینے میں شدید مشکلات کا سامنا کرنا پڑے گا۔