عظمیٰ بخاری سے منسوب جعلی ویڈیو وائرل کرنے کے کیس میں عدالت نے فلک جاوید اور دیگر ملزمان پر فردِ جرم عائد کردی۔
یہ مقدمہ نیشنل سائبر کرائم انویسٹی گیشن ایجنسی (این سی آئی اے) کی جانب سے درج کیا گیا تھا، جس میں مؤقف اختیار کیا گیا کہ ملزمان نے سوشل میڈیا پر عظمیٰ بخاری سے منسوب ایک جعلی ویڈیو وائرل کی۔
کیس کی سماعت کے دوران جوڈیشل مجسٹریٹ نے آئندہ سماعت پر گواہوں کو طلب کرنے کا حکم دے دیا۔ عدالت نے مقدمے کی مزید کارروائی کے لیے سماعت ملتوی کر دی۔
این سی سی آئی اے کی تحقیقات میں سامنے آیا کہ وائرل کی گئی ویڈیو جعلی تھی، جس کا مقصد سوشل میڈیا پر غلط تاثر پیدا کرنا اور کردار کشی کرنا تھا۔