ہر لڑکی کی خواہش ہوتی ہے کہ اس کی زندگی کا سب سے اہم دن یعنی کہ جس دن اسکی شادی ہو وہ یادگار ہو ، اپنے اسی دن کو یادگار بنانے کیلئے بھارتی شہر پونا کی ایک دلہن شادی کی تقریب میں گاڑی کے اندر بیٹھنے کی بجائے جیپ کے بونٹ کے اوپر بیٹھ کر تقریب میں داخل ہوئی۔
اس دلچسپ واقعہ کی ویڈیو سوشل میڈیا پر خوب وائرل ہو رہی ہے جس میں صاف دیکھا جا سکتا ہے کہ دلہن عروسی لباس پہنے اور بنا ماسک کے جیپ کے اوپر بیٹھی اپنی شادی کی تقریب میں انٹری دے رہی ہے اور ایک موٹر سائیکل پر سوار 2 افراد دلہن کے اس منظر کی ویڈیو بنا رہے ہیں۔
مگر بھارتی میڈیا رپورٹس کے مطابق یہ انوکھے واقعہ دلہن سمیت دلہن کے رشتہ داروں کیلئے ایک بڑا مسئلہ بن گیا کیونکہ بھارتی پولیس کے مطابق دلہن اور دلہن کے رشتہ داروں کیخلاف موٹر وہیکل ایکٹ کے تحت مقدمہ درج کر لیا گیا ہے اور اس مقدمے میں کورونا ایس او پیز کی خلاف ورزی کی دفعات بھی شامل کی گئی ہیں کیونکہ دلہن سمیت دلہن کے رشتہ داروں نے تقریب میں ماسک نہیں لگائے ہوئے تھے۔