پاکستانی خواتین سیاست دان ویسے تو سیاست میں مشہور ہیں لیکن ٹی وی پر بھی یہ خواتین سیاست دان توجہ حاصل کرلیتی ہیں۔ چاہے ٹاک شوز ہوں یا پھر ٹی وی پروگرام خواتین سیاست دان ہر لمحے موجود بھی ہوتی ہیں اور ساتھ ہی ساتھ اپنی پارٹی کا دفاع بھی کرتی ہیں۔
لیکن آج آپ کو بتائیں گے کہ ان خواتین سیاست دانوں کی زندگی میں طلاق نے ان کی زندگی پر کیسا اثر ڈالا ہے۔
عظمٰی بخاری:
پاکستان مسلم لیگ ن کی رہنما عظمٰی بخاری کاشمار ن لیگ کی فعال اور سینئیر رہنماؤں میں ہوتا ہے۔ لیکن بہت کم لوگ جانتے ہیں کہ عظمٰی بخاری کی شادی کامیاب نہیں ہو سکی ہے، لیکن طلاق کے بعد بھی وہ اپنی زندگی کے مقصد میں کامیاب ہیں۔
عظمٰی بخاری نے ایک انٹرویو میں انکشاف کیا تھا کہ میں نے اپنی طرف سے رشتہ بچانے کی بہت کوشش کی مگر دوسری طرف سے کوئی عمل نہیں کیا گیا۔ میں 22 سال کی تھی میری بیٹی نومولود تھی اور اسے موشن لگے تھے، میں نے شوہر سے دوائی لانے کو کہا جس پر وہ کہتے تھے کہ کوئی بات نہیں ٹھیک ہوجائے گی۔
میرے شوہر نے مطالبہ بھی کیا تھا کہ اپنے باپ سے معافی منگواؤ، جو کہ میں نے دلوائی، شوہر کے مطالبے پر برقع بھی پہنتی تھی۔ جب میں اپنے والد کے گھر آگئی تو شوہر نے والد کو فون کر کے کہا کہ تمہاری بیٹی اپنے بیگ میں میرے پیسے لائی ہے۔
میں ایسے بندے کے ساتھ نہیں رہ سکتی تھی۔ حالانکہ میں نے یہ رشتہ نبھانے کی بہت کوشش کی تھی، جبکہ اس وقت عظمٰی بخاری کامیابی کے ساتھ سیاست میں اپنا کردار ادا کر رہی ہیں۔
حنا پرویز بٹ:
حنا پرویز بٹ سوشل میڈیا پر کافی چرچے میں رہتی ہیں، پاکستان مسلم ن کی رکن اسمبلی حنا پرویز بٹ کا تعلق پنجاب سے ہے۔ حنا ٹوئیٹر پر کافی متحرک رہتی ہیں جبکہ وہ اپنے پارٹی کے موقف کو رکھنے میں کسی سے پیچھے نہیں ہیں۔ پاکستان مسلم لیگ ن کی رہنما حنا بٹ 1982 میں پیدا ہوئی ہیں جبکہ اس وقت حنا کی عمر 39 سال ہے۔
حنا ویسے تو ثمر حیات کے ساتھ رشتہ ازدواج میں منسلک ہوئی تھیں مگر یہ شادی زیادہ سال چل نہ سکی اور طلاق پر اختتام پزیر ہوگئی۔ اس شادی سے حنا کا ایک بیٹا بھی ہے جس کا نام محمد شیخ ہے۔ حنا کا کہنا ہے کہ میں اب بھی زندگی اچھی گزار رہی ہوں۔ وہ اس وقت اپنے شوق یعنی سیاست پر توجہ دیے ہوئے ہیں۔
کشمالہ طارق:
کشمالہ طارق پاکستانی سیاست میں کافی اہمیت رکھتی ہیں، خواتین کے حقوق کے لیے لڑتی کشمالہ طارق نے کئی موقعوں پر میڈیا کی توجہ حاصل کی ہے۔ 1972 میں پیدا ہونے والی کشمالہ طارق پنجاب یونی ورسٹی میں 1995 کے دور میں یوتھ ایکٹیوسٹ تھیں۔
جبکہ کشمالہ طارق طارق راشد خان کے ساتھ رشتہ ازدواج میں منسلک ہو گئی تھیں تاہم دونوں کی راہیں طلاق پر آکر جدا ہو گئی تھیں۔ کشمالہ طارق کی پہلی شادی سے انہیں ایک بیٹا ہے جس کا نام ازلان ہے۔
واضح رہے کشمالہ طارق بزنس مین وقاص خان کے ساتھ گزشتہ سال رشتہ ازدواج میں منسلک ہو گئی تھیں۔