کہا جاتا ہے کہ دنیا میں ایک شکل کے کہی لوگ ہوتے ہیں۔ اور ہم نے ایسے بھی دیکھا ہے کہ دنیا میں مشہور شخصیات کے کہی ہم شکل سامنے آچکے ہیں۔ لیکن آج معروف عالم دین مولانا طارق جمیل کے ہم شکل ان کے سامنے آگیا۔
دراصل سوشل میڈیا پر وائرل ہونے والی ویڈیو میں دیکھا جاسکتا ہے کہ مولانا طارق جمیل اپنے ہم شکل سے ملاقات کررہے ہیں۔ جبکہ مولانا طارق جمیل اپنے ہم شکل کو حیرت سے دیکھ رہے ہیں۔ اور وہاں پر دیگر افراد بھی موجود ہیں۔
ویڈیو میں دیکھا جانے والا شخص مولانا طارق جمیل سے کافی مشابہت رکھتا ہے۔ جبکہ اس شخص نے مولانا جیسے کپڑے اور ڈریسنگ بھی کی ہوئی ہے۔
تاہم ویڈیو میں سنا جاسکتا ہے کہ ایک شخص مولانا کو بتا رہا ہے کہ ابھی تھوڑی دیر پہلے بہت سے لوگ ان (ہم شکل) سے مولانا طارق جمیل سمجھ کر مصافحہ کرکے گئے ہیں۔
ویڈیو میں وہ شخص کہتا ہے کہ ایک دفعہ ہم لوگ چائے کے ہوٹل پر گئے تھے تو آپ کے ہم شکل نے ہوٹل والے کو چائے لانے کو کہا تو وہ مولانا سمجھ کر کہنے لگا کہ صرف چائے نہیں پراٹھا بھی لاتا ہوں۔