پشاور میں این سی سی آئی اے نے کارروائی کرتے ہوئے کمسن بچے کو بلیک میل کرنے والے ملزم عبدالوکیل کو گرفتار کر لیا۔ ملزم باجوڑ کا رہائشی ہے اور باغ ناران حیات آباد میں پکڑا گیا۔
حکام کے مطابق ملزم نے کمسن بچے کی غیر اخلاقی ویڈیو بنا کر اسے بلیک میل کیا تھا۔ سائبر کرائم سرکل پشاور نے پیکا ترمیمی ایکٹ 2025 کے تحت سال کا پہلا مقدمہ درج کر کے تفتیش شروع کر دی ہے۔
این سی سی آئی اے نے کہا کہ بچوں کے تحفظ اور سائبر کرائم کے خلاف کارروائیاں بلا تفریق جاری رہیں گی اور ایسے جرائم کو کسی بھی صورت برداشت نہیں کیا جائے گا۔