کچھ دن پہلے ہماری ویب نے اس بات کی خبر دی تھی کہ وزیراعظم عمران خان پاکستان کرکٹ بورڈ کے نئے چیرمین کیلئے سابق کپتان رمیز راجہ کے نام پر غور کررہے ہیں۔
تاہم رمیز راجہ نے غیر ملکی خبر ویب سائٹ سے گفتگو میں اس بات کی تصدیق کردی۔ خبر کے مطابق رمیز راجہ نے چیرمین پی سی بی کے طور پر عہدہ سنبھالا کا فیصلہ کرلیا ہے۔
جبکہ رمیز راجہ کا کہنا تھا کہ چیرمین پی سی بی بننا میرے لیے بڑی اعزاز کی بات ہے اور میرا ہدف پاکستان میں کرکٹ کی بہتری لانا ہوگا۔ ان کا مزید کہنا تھا کہ میں وزیراعظم عمران خان کا شکریہ ادا کرتا ہوں اور مجھے آپ سب کی سپورٹ اور دعاؤں کی ضرورت ہے۔
تاہم سوشل میڈیا سایٹ پر مختلف افراد کی جانب سے رمیز راجہ کو مبارکباد پیش کی گئی۔ جس میں خاتون پاکستانی اسپورٹس اینکر زینب عباس نے لکھا، رمیز راجہ کے بطور چیرمین پی سی بی بنے پر بہت مبارکباد پیش کرتی ہوں۔ پاکستان کرکٹ کے لیے اپنے وژن کو عملی جامہ پہنانے کا یہ بہترین موقع۔
جبکہ پاکستانی مشہور اداکار فہد مصطفیٰ نے رمیز راجہ کی پرانی تصویر کے ساتھ لکھا مبارک ہو نئے پی سی بی چیرمین۔
واضح رہے کہ پی سی بی کے موجودہ چیرمین احسان مانی نے اپنی مدت ملازمت مکمل ہونے پر مزید کام کرنے سے انکار کر دیا تھا۔