گزشتہ روز سوشل میڈیا پلیٹ فارم ٹوئٹر پر سعود بٹ نامی ایک صارف نے ایک تصویر شئیر کی جس میں دیکھا جا سکتا ہے کہ ان کے ہاتھ پر مسلم لیگ ن رہنما مریم نواز کی تصویر کا ٹیٹو بنا ہوا ہے۔
مریم نواز کے مداح سعود بٹ نے تصویر شئیر کرتے ہوئے کیپشن میں لکھا کہ ''یہ ٹیٹو کس کس کو پسند ہے؟''
جس پر مریم نواز نے اپنے مداح کا شکریہ کرتے ہوئے ٹائٹر صارف کے اس پوسٹ کو ری ٹوئیٹ کیا اور شکریہ، دعائیں، اور دل والا ایموجی کیپشن کیا۔
مریم نواز کے مداح سعود بٹ کی جانب سے شئیر کردہ اس تصویر کو بھرپور لائیک اور شئیر کیا گیا اور سوشل میڈیا صارفین کی طرف سے مریم نواز کی تصویر والے اس ٹیٹو پر تبصرہ بھی کیا جا رہا ہے۔
یاد رہے کہ مریم نواز کے دنیا بھر میں چرچے ہیں اور انہیں پاکستان کی خوبصورت ترین سیاسی رہنماؤں میں شمار کیا جاتا ہے اور اکثر سوشل میڈیا پر ان کے چرچے رہتے ہیں، گزشتہ دنوں مریم نواز کے بیٹے جنید صفدر کی شادی کی تصاویر اور ویڈیوز میں بھی مریم نواز کی خوبصورتی کا خوب چرچہ رہا۔