رزق حلال ایک ایسا ذریعہ ہے جو کہ مشکل سے ملتا ہے مگر وہ انسان کو مطمئن رکھتا ہے اور اسے ایک صاف ستھری زندگی جینے میں مدد کرتا ہے۔ لیکن بہت سے لوگ ایسے بھی ہیں جو دوسروں کی محنت کو ایک لمحہ میں فنا کر دیتے ہیں۔
ہماری ویب کی اس خبر میں بھی آپ کو شہری عمران کے بارے میں بتائیں گے۔
عمران اپنے گھر کا کمانے والا تھا، جو کہ آن لائن بائک سروس بایکئیا کے لیے کام کرتا تھا، عمران بائیک چلا کر اپنے گھر کا خرچہ پورا کرنے میں مدد کرتا تھا۔
عمران قتل کی واردات والے دن بھی اسی امید کے ساتھ نکلا تھا کہ وہ آج زیادہ مسافروں کو گھر تک پہنچائے گا۔ اسے یقین تھا کہ آج وہ مسافروں کو ان کی منزل پر پہنچا کر پیسے کمائے گا، مگر کیا معلوم تھا کہ اس کی خود کی زندگی کی منزل ختم ہونے کے قریب ہے۔
رات کے وقت جب عمران مسافروں کا انتظار کر رہا تھا، عین اسی وقت 3 مسلح ملزمان آئے اور بندوق کے زور پر عمران سے نقدی اور پیسے چھیننے کی کوشش کی، عمران کے اصرار پر مسلح ملزمان نے عمران کے سر پرگولی مار دی اور عمران موقع پر ہی جاں بحق ہو گیا۔