جمیعت علمائے اسلام کے رہنما حافظ حمد اللہ کا کہنا ہے کہ 18 سال سے کم عمر نکاح پر پابندی قرآن و سنت کے خلاف ہے۔
ہنگو میں میڈیا سے گفتگو کرتے ہوئے جے یو آئی رہنما حافظ حمد اللہ نے کہا کہ 27 ویں آئینی ترمیم سے 73 کا آئین دفن ہوگیا ہے۔ انہوں نے کہا کہ 18 سال سے کم عمر نکاح پر پابندی قرآن و سنت کے خلاف ہے، سودی نظام کے خاتمے اور دینی مدارس کے قانون پر عمل درآمد نہ ہوسکا۔
حافظ حمد اللہ کا کہنا تھا کہ گھریلو تشدد کے خلاف جو قانون پاس ہوا وہ بھی قرآن و سنت کے خلاف ہے۔ اس کے علاوہ انہوں نے کہا کہ قومی ائیر لائن کی نجکاری سے بڑی معاشی ناکامی اور کیا ہے، پاکستان بھی 80 ارب ڈالر کا مقروض ہے کیا اس کو بھی پرائیویٹ کروگے؟