پاکستان میں سڑکیں کئی حد تک خطرناک ہیں ابھرے ہوئے نوکیلے پتھر کسی بھی سواری کو موت کو آغوش میں دھکیل سکتے ہیں، دلدل زدہ روڈ بھی شہریوں کے لیے کسی عذاب سے کم نہیں۔
ہماری ویب کی اس خبر میں آپ کو ایک ایسے واقعہ کے بارے میں بتائیں گے، جس میں ایک فیملی موٹر سائیکل سمیت روڈ پر ہونے والے شگاف میں گر گئی۔
پاکستان کے شہر ملتان میں ایک ایسا واقعہ پیش آیا ہے جہاں موٹر سائیل سوار فیملی روڈ پر پڑنے والے شگاف میں گر گئی۔ گڑھا اس قدر گہرا تھا، کہ لوگ خوف کی وجہ سے قریب جانے سے بھی ڈر رہے تھے۔ موٹر سائیکل سوار فیملی جس میں دو مرد اور ایک خاتون شامل تھی وہ اس گڑھے میں جا گرے۔
فیملی ملتان کے ایک روڈ پر سفر کر رہی تھی، کہ اسی دوران کمزور روڈ پر موٹر سائیکل نے جیسے ہی اس کمزور روڈ کی بڑھی۔ تو موٹر سائیکل گڑھے میں جاگری۔ آس پاس لوگ موٹر سائیکل سوار فیملی کی طرف بڑھے مگر شگاف گہرا ہونے کی وجہ سے مدد نہ کر سکے۔
بعدازاں ریسکیو ٹیم نے موقع پر پہنچ کر رسیوں کی مدد سے فیملی کو گڑھے سے نکالا۔