آج کی جدید زندگی کافی آسان ہوچکی ہے کیونکہ لوگوں میں اتنی سمجھ آچکی ہے اور اتنا وہ حاصل کرچکے ہیں کہ وہ اپنی مشکلات کو باآسانی حل کرنے میں مہارت رکھتے ہیں۔
گھروں میں رہنے والے عام افراد جب اپنے گھروں میں موجود ہوتے ہیں تو چھوٹی موٹی چیزوں کو ریپئر کرتے دکھائی دیتے ہیں اور جب چیز ریپئر نہ ہو پائے تو اس کو کسی نہ کسی صورت ٹھیک کردیتے ہیں۔ ایک بہت مشہور لفظ پاکستانیوں میں استعمال کیا جاتا ہے جس کا نام 'جگاڑ' ہے ، اسی لفظ کی بنیاد پر آج اس آرٹیکل کی شروعات کرتے ہیں اور آپ کو ایسی تصاویر دکھائیں گے جسے دیکھ کر آپ بھی ہنس پڑیں گے۔
تو چلیں آیئے دیکھتے ہیں کہ مختلف چیزوں میں لوگوں نے کہاں جگاڑ استعمال کی۔
1- کنڈی نہیں تو پانا دستیاب ہے
یہ تصویر سوشل میڈیا پر کافی وائرل ہوچکی ہے۔ کنڈی نہ ہونے کی صورت میں دروازے کو پانےکی مدد سے لاک کر دیا گیا۔ اس کو کہتے ہیں ماسٹر لاک۔
2- پرانا جوتا کام آگیا
تصویر میں دیکھا جا سکتا ہے کہ گھر کے پائپ کے نچلے حصے میں پرانا جوتا لگایا ہوا ہے جو پانی کو اس کی صحیح سمت میں پہنچانے کا سبب بنے گا۔
3-دروازے کی گھنٹی خراب ہے
دروازے کی گھنٹی خراب ہونے کی صورت میں گھر کے مالک نے باجا لگا دیا اور باہر دیوار پر اسٹیکر بھی لگا دیا جس میں لکھا ہے کہ ڈور بیل خراب ہے برائے مہربانی اس باجے کو دبایا جائے۔
4- ہینڈل خراب تو بوتل کا ٹکڑا کس کام آئے گا؟
ہینڈل کے بغیر دروازہ؟ پریشان مت ہوئیں کیونکہ پلاسٹک کی بوتل کا ٹکڑا آپ کے لیے ایک بہترین آپشن ہو سکتا ہے۔ مذکورہ تصویر دیکھ کر کوئی بھی دنگ رہ جائے۔
5- کپڑے سکھانا کے لیے اب رسی کی ضرورت نہیں
اس تصویر میں دیکھا جا سکتا ہے کہ دو کرسیوں کے درمیان میں جھاڑو لگا دی گئی اور اس پر کپڑے لٹکا دیئے گئے ہیں۔ آپ بھی یہ طریقہ استعمال میں لا سکتے ہیں۔