معروف ہالی وڈ اداکار جیکی چن نے غزہ پر اسرائیل کی جانب سے جاری بربریت اور بمباری کی ویڈیوز دیکھ کر گہرا غم ظاہر کیا۔
حال ہی میں ہالی وڈ اداکار جیکی چن نے بھی غزہ کے ایک بچے کی ویڈیو دیکھی تو آبدیدہ ہوگئے۔جیکی چن نے کہا کہ فلسطینی بچے سے پوچھا گیا تھا بڑے ہوکرکیابنو گے؟ بچے نےکہا ہمارے علاقے کے بچے بڑے نہیں ہوتے۔
جیکی چن نے کہا کہ ہر روز بمباری کی زندگی یہ بتاتی ہے کہ بڑھنا ایک نعمت ہے اور وہ ان لوگوں کو خراجِ تحسین پیش کرتے ہیں جو بچپن سے بڑھاپے تک پہنچنے میں کامیاب ہوتے ہیں۔ ان کے مطابق غزہ میں ہونے والے مظالم نہ صرف دل دکھانے والے ہیں بلکہ پوری دنیا کے لیے ایک انسانی المیہ ہیں۔