زبان بولنے کے کام تو آتی ہی ہے لیکن ساتھ ہی یہ اپنی رنگت اور ساخت سے آپ کی صحت کے بہت سے راز بھی کھولتی ہے جو آپ کو اس آرٹیکل میں بتائے جائیں گے۔

زبان بہت زیادہ خشک ہو تو

اگر آپ کی زبان بہت زیادہ خشک ہے یا ذائقہ محسوس نہیں ہورہا تو بہت ممکن ہے آپ تھائی رائیڈ گلینڈز سے منسلک کسی بیماری کا شکار ہورہے ہوں۔ اس کے علاوہ زبان کی خشکی اور حد سے زیادہ سفیدی تمباکو نوشی، الکوحل کا بہت زیادہ استعمال اور زبان کی صفائی کا خیال نہ رکھنے کی وجہ سے بھی ہوسکتی ہے۔

سرخ اور سوجی ہوئی

سرخ زبان ایک قسم کے انفیکشن کی علامت ہے جو زیادہ تر بچوں کو پندرہ سال کی عمر تک کہ بچوں کو متاثر کرتا ہے۔ یہ ایک بیکٹیریل انفیکشن ہوتا ہے جو کھانے کی چیزوں سے ہوسکتا ہے۔ اگر زبان پر بہت زیادہ سرخی آجائے تو معالج سے فوری معائنہ کروائیں۔ اس کے علاوہ یہ وٹامن بی 12 کی کمی سے سے بھی ہوسکتا ہے۔

سیاہی مائل زبان

زبان پر سیاہی آجانا اس بات کی نشاندہی کرتا ہے کہ زبان کی صفائی نہیں کی جارہی۔ مردہ خلیات جمع ہو کر سیاہ رنگت اختیار کرچکے ہیں

کھردری زبان

اگر آپ کی زبان کھردری ہے تو اس کی وجہ وٹامن کی کمی ہوسکتی ہے اس کے علاوہ زنک ، آئرن ، فولک ایسڈ ، یا B6 اور B12 ، ذیابیطس ، الرجی ، یا جذباتی دباؤ سے بھی زبان کی ساخت پر اثر پڑتا ہے۔

مستقل سوزش

اگر آپ کو مسلسل زبان پر خارش اور زبان سوجی ہوئی موٹی محسوس ہوتی ہے تو یہ کینسر کی علامت ہوسکتی ہے۔ یا پھر اس میں بہت جلدی تکلیف دہ چھالے بھی پیدا ہوسکتے ہیں ۔