پیٹرول کے بعد دودھ کی قیمتوں میں 40 سے 45 روپے اضافے کا اعلان، عوام نے سر پکڑ لیا

مہنگائی سے پریشان عوام کو جہاں پیٹرول کی قیمتوں میں اضافے کا صدمہ ابھی تک لگا ہوا ہے وہیں ڈیری مالکان نے بھی ان پر 40 سے 45 روپے اضافی کرنے کا اعلان کرکے بجلی گرا دی۔ تفصیلات کے مطابق صدرڈیری اینڈکیٹل فارمرز شاکرعمرگجر نے دودھ کی قیمتوں میں اضافے کا عندیہ دیتے ہوئے کہا پورے ملک میں دودھ کی قیمت 40سے 45 روپے بڑھنے جارہی ہے۔ شاکرعمرگجر کا کہنا ہے کہ دودھ کی قیمتوں میں اضافہ ملک بھر میں کریں گے، پہلے سندھ پھر لاہور میں اور بعد ازاں ملک بھر میں دودھ کی قیمتیں بڑھائی جائیں گی۔ صدرڈیری اینڈکیٹل فارمرز نے کہا کہ حکومت چاہے تو دودھ کی قیمتیں کم بھی ہوسکتی ہیں، لیکن اس کے لئے وفاقی حکومت کو گزشتہ حکومت کی غلط پالیسیوں کوختم کرنا پڑے گا۔ پیٹرول کی قیمتوں سے اضافے سے دودھ کی قیمتوں میں اضافہ کیا جا رہا ہے کیونکہ کراچی میں ڈیرہ فارمز تو موجود ہیں لیکن چارہ یہاں تیار نہیں ہوتا اور دیگر شہریوں میں بھیجنے کے لئے بھی پیٹرول کی کھپت ہوتی ہے۔