اداکارہ ماہرہ خان ڈرامہ سیریل ہم کہاں کے سچے تھے میں جتنے بھی کپڑے پہن رہی ہیں وہ مداحوں کی جانب سے خوب پسند کیے جا رہے ہیں کیونکہ ان کے ڈیزائن بہت سادے اور نفیس ہیں جن کو دیکھ کر خوش نما احساس ہوتا ہے کہ یہ کپڑے کتنے ہلکے اور خوبصورت کام والے بھی ہیں۔

آج کل اداکارائیں جو لباس پہن لیں، ہماری خواتین ان جیسے ڈیزائن ڈھونڈھنے میں دیر نہیں لگاتی اور پوری کوشش کرتی ہیں کہ جلد از جلد ویسا ہی خرید لیں، جہاں مہرین یعنی ماہرہ خان کے کئی ڈیزائن ناظرین نے ڈھونڈھ نکالے وہیں یہ سفید جوڑا جو سب سے زیادہ پسند کیا جا رہا ہے اس کی ڈیزائنر کا پتہ نہ چل سکا۔

لیکن چونکہ ہماری ویب میں ہمیشہ ہی ان خوبصورت کپڑوں کی قیمت اور ڈیزائنر کے حوالے سے آپ کو باقاعدہ سب کچھ معلومات دی جاتی ہے، ایسے ہی اب ہم آپ کو بتا رہے ہیں اس سفید جوڑے کو کس نے بنایا اور اس کی قیمت کتنی ہے۔

قیمت:

اس سفید کرھائی والے سادے جوڑے کی قیمت 5800 روپے ہے۔ اپ کو حیرانی تو ہوگی لیکن آج کل 5 ہزار سے کم دام میں کوئی بھی اچھا برانڈڈ جوڑا ملنا ذرا مشکل ہوگیا ہے کیونکہ کپڑوں کے دام بھی بڑھ گئے ہیں، پھر کڑھائی کا دھاگہ اور درزی کی سلائی وغیرہ کے اخراجات بھی بڑھ گئے ہیں۔

کس نے بنایا؟

ماہرہ کا پہنا گیا یہ جوڑا ڈیزائنر عارفہ کاظمی کی جانب سے تیار کیا گیا ہے جو نہایت مناسب قیمت میں اتنے شاندار کپڑے تیار کرتی ہیں کہ سب کو پسند آتے ہیں۔