جب بات بچوں پر بن جائے تو دنیا کے ہر ماں باپ خواہ کتنے ہی مشہور یا امیر کیوں نہ ہوں صرف اپنی اولاد کے لئے فکرمند ہوجاتے ہیں۔ یہ قدرت کا قانون ہے۔ ایسا ہی کچھ ہوا شاہ رخ خان کے ساتھ جو کہنے کو تو بالی وڈ کے شہنشاہ ہیں لیکن جب ان کے بیٹے آریان خان کو منشیات کے سلسلے میں جیل جانا پڑا تو وہ ایک وقت بھی سکون سے نہ کھا سکے نہ ہی چین کی نیند سو سکے۔

کام کے بجائے وکیلوں کے ساتھ وقت گزارا

شاہ رخ خان کے وکیل مکل روہتگی کا کہنا ہے کہ جب تک آریان خان کی ضمانت نہیں ہوگئی شاہ رخ خان ہر لمحہ انتہائی پریشان رہے۔ انھوں نے اپنے تمام پیشہ ورانہ معاہدات کو موخر کرکے وکیلوں کے ساتھ ہی وقت گزارا تاکہ جلد سے جلد اپنے بیٹے کو چھڑا سکیں۔

صرف کافی پیتے تھے

کمل روہتگی نے کہا کہ “ہم سوچ بھی نہیں سکتے کہ آریان کی ضمانت تک شاہ رخ نے وقت کیسے گزارا ہوگا۔ شاید بیٹے کی رہائی کے بعد شاہ رخ اور گوری سکون کی نیند سوئے ہیں۔ ایسا لگتا تھا کہ آریان کی گرفتاری کے بعد شاہ رخ نے کھانا پینا بھی چھوڑ دیا تھا کیوں کہ وہ صرف کافی پر فافی پیتے رہتے تھے“۔ آریان خان کی رہائی اور گھر پہنچنے پر شاہ رخ خان کے گھر منت میں خوشی کا سماں ہے اور ان کے مداح مبارکباد دینے کے لئے جمع ہوگئے ہی