کراچی میں قدیم اور مخدوش عمارتیں اس حد تک موجود ہیں کہ یہ عمارتیں اب گرنا شروع ہو گئی ہیں، متعدد فیملیز کی زندگی بھی خطرے میں ہے۔
ہماری ویب ڈاٹ کام آج ایسی ہی ایک عمارت کے حوالے سے نشاندہی کرے گی جس میں دراڑیں پڑ چکی ہیں اور بیچ میں سے الگ ہو چکی ہے۔
ویڈیو میں کراچی کی ایک عمارت کو دیکھا جا سکتا ہے جس کی دیواروں میں دراڑیں پڑ چکی ہیں۔ ویڈیو بنانے والے شخص کا کہنا ہے کہ اس عمارت کے آس پاس گھر موجود ہیں اور فیملیز رہائش پذیر ہیں، یہ عمارت ہر ایک کے لیے خطرہ بنی ہوئی ہے۔
کراچی میں لیاری کے علاقے یعقوب شیرا روڈ کی گلی نمبر 7 پر ایک ایسی عمارت موجود ہے جو کہ کسی بھی وقت گر سکتی ہے اور افسوسناک واقعہ رونما ہو سکتا ہے۔
50 گز اراضی پر 6 منزلہ عمارت کی تعمیر کی جا رہی تھی لیکن ناقص میٹیریل کے استعمال نے عمارت ہی کو جھکا دیا ہے، عمارت کے جھکنے کی وجہ سے اس میں دراڑیں پڑ گئی ہیں اور یہ عمارت کسی بھی وقت گر سکتی ہے۔
اہل علاقہ کے مطابق سندھ بلڈنگ کنٹرول اتھارٹی کو اس حوالے سے مطلع کر دیا تھا مگر اتھارٹی کی جانب سے کوئی خاطر خواہ انتظامات نہیں کیے گئے۔