ملالہ یوسفزئی کے شوہر کون ہیں اور کیا کرتے ہیں؟ جانیے ان سے متعلق وہ معلومات جو بہت سے لوگ نہیں جانتے

پاکستان کی آن مان اور نوبل انعام یافتہ خاتون ملالہ یوسفزئی شادی کے بندھن میں بندھ گئی ہیں۔ اس کا انکشاف انہوں نے خود ٹویٹر پر اپنی شادی کی تقریب کی تصاویر شیئر کر کے کیا۔ اب سوال یہ پیدا ہوتا ہے کہ ان کے شوہر کون ہے جسے ملالہ نے زندگی بھر کا ساتھی چن لیا ہے۔

ملالہ کے زندگی بھر کے ساتھی کا نام عصرملک ہے۔ یہ کوئی غیر ملکی نہیں بلکہ ایک پاکستانی ہیں ۔اور پاکستان کرکٹ بورڈ (پی سی بی) کے ہائی پرفارمنس سینٹر میں جنرل مینجر ہیں صرف یہی نہیں بلکہ پی ایس ایل کی نامی گرامی فرنچائز ملتان سلطانز کے جنرل مینجر رہ چکے ہیں۔

مزید یہ کہ یہ صوبہ پنجاب کے دل مانے جانے والے شہر لاہور کے رہائشی ہیں اور اور انہوں نے لاہور کی ہی یونیورسٹی لمس سے گریجویشن کر رکھا ہے۔ اب انکا شمار پی سی بی کے قابل افسران میں کیا جاتا ہے۔

پی سی سبی زرائع کے مطابق عصر ملک نے 2 سال قبل ہی پاکستان کرکٹ بورڈ کو جوائن کیا ہے۔

اس کے علاوہ ان کے شوہر عصر ملک کے ٹویٹر اکاونٹ کا جائزہ لیں تو ہمیں معلوم ہوتا ہے کہ وہ پہلے سے ہی ملالہ کی خدمات کے معترف تھے جس کا منہ بولتا ثبوت یہ ہے کہ جب ملالہ نے دنیا بھر میں بچوں کے حقوق کیلئے ایک ویڈیو پیغام سماجی رابطے کی ویب سائیٹ ٹویٹر پر جاری کیا تو انہوں نے بھی اسے اپنی پروفائل پر یہ لکھ کر شیئر کیا کے " مجھے تم پر فخر ہے"۔

اور جب ملالہ یوسفزئی کی کچھ دن پہلے سالگرہ گزری تو بھی انہوں نے انکی بالی ووڈ کے کنگ خان شاہ رخ خان کے ساتھ انکی ایک تصویر شیئر کی جس میں وہ بہت خوش نظر آ رہی ہیں۔ شوہرعصر ملک نے تصویر کو یہ کیپشن دیا کہ " سالگرہ مبارک ہو سب سے بہترین ملالہ اور آپ ہمیشہ اسی طرح چمکتی رہو"۔