پاکستانی شوبز انڈسٹری کی جانی مانی شخصیت میرا کے نام سے کون واقف نہیں یہ جتنا اپنی اداکاری کی وجہ سے خبروں کی زینت نہیں بنی اتنا ہی اپنی خراب انگریزی کی وجہ سے انہیں ہمیشہ شرمندگی کا سامنا کرنا پڑتا ہے۔
حال ہی میں میرا جی کو ایک پاکستانی نجی ٹی وی کے پروگرام میں بطور مہمان مدعوکیا گیا تھا جہاں اینکر نے ان سے سوال کیا کہ اگر انہیں ٹائٹینک کے سفر پر جانے کا موقع ملے تو وہ نریندر مودی اور اداکارہ ریما میں سے کس کے ساتھ جانا پسند کریں گی۔
اس موقعہ پر انہوں نے یہ بھی کہا کہ وہ نریندر مودی کے ساتھ بات چیت کرنا چاہتی ہیں اس لیے انکے ساتھ ٹائٹینک کے سفر کو ترجیح دیں گی۔
اس کے علاوہ ایک اور وجہ یہ بھی بتائی کہ وہ کیوں مودی جی کے ساتھ جانا پسند کر رہی ہیں ۔ کہا کہ میں اس لیے ان کے ساتھ جاؤنگی کیونکہ وہاں میں ان کا برین واش کروں گی اور دونوں ممالک کے درمیان باہمی تعلقات کے بارے میں بات چیت کا آغاز کروا دیں گی۔