اپنے آپ سے محبت کرنا اس لئے بھی ضروری ہے کیونکہ جن کی آپ پرواہ کرتے ہیں وہ لوگ بھی آپ کو ہمیشہ صحت مند اور خوش دیکھنا چاہتے ہیں۔ جیسے کہ آپ کی ماں جو اپنی اولاد کو بیمار اور دکھی نہیں دیکھنا چاہتی۔
غالباً اسی جذبے کو مدنظر رکھتے ہوئے اس فوڈ ڈلیوری بوائے نے اپنی موٹر سائیکل کے پیچھے یہ الفاظ لکھوائے ہیں "فاصلہ رکھیں پاکستان میں میری ماں میرا انتظار کررہی ہیں"
اس پیغام کا ایک مطلب گاڑیوں کو دور رہنے کا مشورہ دینا تاکہ کسی بھی حادثے سے بچ سکیں اور دوسرا مقصد ہے عالمی وباء میں سماجی فاصلہ رکھنا تاکہ ہر ممکن حد تک وائرس سے بچا جاسکے۔
ہمیں بھی اس نوجوان کی طرح سماجی فاصلے کا خیال رکھنا چاہیے تاکہ اپنی اور اپنے پیاروں کی جان کی حفاظت کرسکیں۔ سوشل میڈیا پر نوجوان کو اور اس کے ماں سے محبت کے جذبے کو خوب سراہا جارہا ہے۔