گوجرانولہ شہر میں برقع پہن کر خواتین کے ساتھ نازیبا حرکت کرنے والے شخص کو دکانداروں نے پکڑ کر پولیس کے حوالے کردیا۔
پولیس کا کہنا ہے کہ برقع پہن کر بازاروں میں خواتین کو ہراساں کرنے والے شخص، عمر عدیل کا تعلق ڈسکہ سے ہے۔
پولیس نے مزید بتایا کہ عمر عدیل کے خلاف کئی روز سے خواتین کی جانب سے شکایات موصول ہورہی تھیں۔ تاہم بازار میں خواتین کے ساتھ نازیبا حرکت کرتے ہوئے دکانداروں نے رنگے ہاتھوں پکڑ لیا۔
بعدازاں دکانداروں نے ملزم کی پٹائی کے بعد پولیس کے حوالے کردیا تھا۔