کیا آپ نے کبھی کسی گھر کو سڑک پر چلتے ہوئے دیکھا ہے؟ یقیناً آپ کا جواب ناں میں ہوگا۔ لیکن امریکا کے شہر سان فرانسسکو میں ایسا ہوچکا ہے۔ جی ہاں سان فرانسسکو کی ایک گلی میں بنے 139 سال پرانے دو منزلہ گھر کو لوگوں نے ایک دن سڑک پر چلتا ہوا پایا۔
دراصل اس گھر کو مرمت کی ضرورت تھی تو بجائے اس خوبصورت عمارت کو توڑنے کے اسے ایک جگہ سے دوسری جگہ منتقل کیا گیا۔ گھر کو دوسرے علاقے میں پہنچانے کے لئے راستے میں موجود تمام درختوں کو کاٹ دیا گیا اور ٹریفک سگنلز کو دور کیا گیا اور بالآخر عمارت کا پتا تبدیل کردیا گیا۔
ویڈیو میں دیکھا جاسکتا ہے کہ گاڑیوں پر سوار گھر کو سڑک پر چلتے دیکھ کر لوگ بے انتہا حیران ہوئے اور گھر کی تصویریں اور ویڈیوز بھی بنائیں۔