امریکہ میں ڈاکٹروں نے ایک سرجری کے ذریعے ماں کے پیٹ میں موجود بچے کا کامیاب آپریشن کرکے بچے کا ٹیومر نکال لیا۔
تفصیلات کے مطابق امریکی ریاست اوہائیو میں ڈاکٹروں نے 25 ہفتوں کی حاملہ خاتون کے پیٹ میں موجود بچے کے بائیں جانب ٹیومر کو کامیابی کے ساتھ نکال لیا۔ تاہم اس آپریشن کی سربراہی سعودی ڈاکٹر ہانی نجم نے کی۔
ڈاکٹر نجم نے بتایا کہ پیٹ میں موجود بچے کا ٹیومر بڑا ہوتا جارہا تھا، جس کے سبب خون کے بہاؤ میں کمی آرہی تھی۔ جبکہ مرض کی تشخیص کے 36 گھنٹوں کے اندر ہی سرجری کی گئی تھی، کامیاب آپریشن کے بعد بچے کے دل کی دھڑکن معمول پر آگئی تھی۔
ایک پیغام میں ڈاکٹر نجم نے بتایا کہ انہوں نے کینیڈا سے تربیت حاصل کی اور سعودی عرب میں 16 سال کی محنت کے بعد ایسی مشکل سرجری کرنے میں کامیاب ہوئے۔
بچے کی ماں نے بتایا کہ جب ہمیں معلوم ہوا کے ہمارے بچے کے دل کے دائیں جانب ٹیومر ہے تو ہم پریشان تھے، اور ہمیں نہیں معلوم تھا کہ آگے کیا ہوگا۔
بعدازاں اسپتال کی جانب سے جاری ہونے والی ویڈیو میں بچے کے آپریشن سے لے کر پیدائش کو تفصیلی طور پر دیکھا جاسکتا ہے۔