شادی کو کچھ ہی دن ہوئے تھے ۔۔ ڈکیتوں کی فائرنگ سے 2 نوجوان مزدور جاں بحق

کراچی کے علاقے سپرہائی وے کے قریب ٹیچر ہاؤسنگ سوسائٹی میں 22 سال اور 25 سالہ نوجوان ڈکتیوں کی فائرنگ سے جاں بحق ہوگئے۔ تفصیلات کے مطابق دونوں نوجوان پیشے کے اعتبار سے مزدور تھے۔ اور ان کی حال ہی میں شادی ہوئی تھی۔ ذرائع کے مطابق کراچی سپرہائی وے پر جمالی پل کے قریب فائرنگ کے نتیجے میں دو نوجوان مزدور جاں بحق ہوگئے۔ جن کی شناخت 25 سالہ ممتاز اور 22 سالہ سلمان علی کے نام سے ہوئی ہے۔ پولیس کا کہنا ہے کہ جاں بحق ہونے والے مزدوروں کے پاس نئی 125 موٹر سائیکل تھی۔ فائرنگ سے بچ جانے والے تیسرے نوجوان عبدالرشید نے پولیس کو اپنے بیان میں بتایا کہ ہم سب پینٹنگ کا کام مکمل کرنے کے بعد غازی گوٹھ سے واپس آرہے تھے کہ دو موٹرسائیکلوں پر سوار چار مشتبہ افراد نے ہمیں گھیر لیا۔ سچل پولیس اسٹیشن میں واقعہ کا مقدمہ درج کرلیا گیا ہے۔ ڈکیت چوری کرکے بھاگ رہے تھے ان کو لگا کہ ہم ان کا پیچھا کر رہے ہیں جبکہ ہم نے صرف اپنی گاڑی روکی تھی کچھ سامان لینے کے لیے۔ مگر دونوں مقتولین فائرنگ کی نظر ہوگئے۔