امریکا کی ریاست نیوجرسی میں ایک چور نے گٹار اسٹور سے چوری شدہ اشیا واپس کر دی ہیں اور معافی نامہ بھی چھوڑا ہے۔ غیر ملکی میڈیا کے مطابق لارک اسٹریٹ میوزک کے مالک بزی لیوائن نے بتایا کہ چور نے دو مینڈولین (چھوٹے، لیوٹ نما آلات) اسٹور میں واپس کیں، جنہیں اس نے پہلے چوری کیا تھا۔
سی سی ٹی وی فوٹیج میں دیکھا گیا کہ چور دوبارہ اسٹور آیا، معافی نامہ پیش کیا اور سامان واپس کرتے ہوئے کہا کہ وہ نشے میں تھا۔ اسٹور کے فیس بک پیج پر لیوائن نے اپنی پوسٹ میں بتایا کہ ایک گھنٹہ پہلے چور نے چپکے سے دروازہ کھولا اور دو شاپنگ بیگز میں تمام سامان واپس کیا۔ وہ سڑک پر بھاگتے ہوئے دیکھا گیا اور پولیس نے تعاقب شروع کیا۔
چور کی جانب سے لکھے گئے نوٹ میں کہا گیا معذرت، میں نشے میں تھا، میری کرسمس، تم اچھے آدمی ہو۔ اسٹور کے مالک نے کہا کہ قیمتی سامان کی واپسی ایسا محسوس ہوا جیسے کوئی فلم کا سین ہو۔
چوری شدہ مینڈولین کی مجموعی قیمت تقریباً 7.2 لاکھ روپے (7750 ڈالر) بتائی گئی ہے۔