پاکستان کے صوبے خیبر پختونخوا کے مختلف حصوں میں زلزلے کے شدید جھٹکے محسوس کئے گئے ہیں۔ جبکہ زلزلے کے باعث شہریوں میں شدید خوف وہراس پھیل گیا۔
جن شہروں میں زلزلے کے جھٹکے محسوس کئے گئے ان میں مینگورہ، مالاکنڈ ڈویژن، بٹگرام، مانسہرہ اورہزارہ ڈویژن کے دیگر اضلاع بھی شامل ہیں۔ جبکہ ریکٹر اسکیل پر زلزلے کی شدت 5.8 ریکارڈ کی گئی۔
میڈیا رپورٹس کے مطابق زلزلے کا مرکز پاک افغان تاجکستان کا بارڈر تھا۔ زلزلے کی زیرِ زمین گہرائی 180 کلو میٹر تھی۔ تاہم زلزلے سے کسی جانی ومالی نقصان کو کوئی اطلاع نہیں ملی ہے۔
واضح رہے کے 23 اور 24 دسمبر کو خیبرپختونخوا کے مختلف حصوں میں زلزلے کے جھٹکے محسوس کئے گئے تھے۔