ملک اس وقت جاڑے کی لپیٹ میں ہے اور بارشوں کے باعث سردی کی شدت میں اضافہ ہوگیا ہے۔
تفصیلات کے مطابق شہر کراچی میں بھی سردی کی شدت بڑھ گئی ہے اور آسمان پر کالے بادلوں نے ڈیرا قائم کر لیا ہے۔ اسی حوالے سے محکمہ موسمیات نے کراچی میں ایک مرتبہ پھر تیز بارش کی پیشگوئی کر دی ہے۔
محکمہ موسمیات کے مطابق آج رات کے وقت شہر قائد میں تیز بارش کی پیش گوئی کی ہے۔
محکمہ موسمیات نے کہا ہے کہ آج شہر کا موسم ابر آلود رہے گا جبکہ شام سے بوندا باندی، ہلکی اورمعتدل بارش کا امکان ہے۔
دوسری جانب شہر میں آج رات کوتیز بارش کی پیش گوئی بھی کی گئی ہے۔
چیف میٹرولوجسٹ سردار سرفراز نے کہا ہے کہ کراچی میں آج رات تیز بارش ہوسکتی ہے جس کے بعد کل جمعے کی صبح مغربی ہواؤں کا سلسلہ سندھ سے نکل جانے کی توقع ہے۔