کسی بھی گھر میں بچے کی پیداٸش کا ہونا والدین سمیت تمام اہلخانہ کے لیے بہت خوشی کا موقع ہوتا ہے لیکن اگر ایک ہی گھر میں بیک وقت 6 بچوں کی پیداٸش ہو تو خوشی مزید دوگنی ہوجاتی ہے۔ یہی خوشی پشاور کے ایک گھر میں آٸی ہے۔
لیڈی ریڈنگ ہسپتال کے گائنی وارڈ میں مہمند
کی رہائشی ایک عورت کے ہاں بیک وقت 6 بچوں کی آمد ہوئی ہے جس میں 5 بچیاں اور ایک بچہ شامل ہے۔
ترجمان لیڈی ریڈنگ اسپتال محمد عاصم کے مطابق مہمند کے رہائشی شخص کی بیوی کو زچگی کے لیے اسپتال منتقل کرایا گیا جہاں خاتون نے بیک وقت 6 بچوں کو جنم دیا ہے اور سب ہی بچے صحتمند ہیں۔
ترجمان نے بتایا ہے کہ بچوں کی پیدائش گائنی سی وارڈ کی ڈاکٹرز کی زیر نگرانی ہوئی جبکہ نومولود بچوں کو اس وقت نرسری وارڈ میں داخل کیا گیا ہے تاکہ ان کی صحت سے متعلق تمام تر معلومات حاصل کی جاسکیں۔